Maksi Lopez është lojtari më i ri i Milanit. Klubi kuqezi ka depozituar në Ligë kontratën e ish-sulmuesit të Katanias. Në kanalin televiziv “Milan Channel” është shfaqur fotoja e lojtarit me fanellën e djallit, me shkrimin: “Maksi është yni”. Mësohet se futbollisti është marrë nga kampionët e Italisë në formë huazimi, me të drejtë blerjeje përfundimtare. Argjentinasi ka firmosur një kontratë me kuqezinjtë deri në 30 qershor të 2015-s. Sa i përket çështjes së Tevezit, Galiani ka thënë se argjentinasi mund të vijë vetëm në muajin qershor, pasi momentalisht Siti nuk është dakord me ofertën e kuqezinjve. Kampionët e Italisë kanë paralajmëruar një konferencë për shtyp gjatë ditës së sotme, më saktësisht në orën 13:30, e cila pritet të jetë për prezantimin e Maksi Lopezit si lojtari më i ri i kuqezinjve.
Opinion
Gota e mbushur e tranzicionit shqiptar
RUDINA HAJDARI
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama