Ambasadori i Bashkimit Europian, Ettore Sequi, zhvilloi dje një takim me kreun e opozitës Edi Rama. Takimi u zhvillua në selinë rozë dhe zgjati për rreth 30 minuta. Pas takimit, ambasadori i BE-së në Tiranë iu shmang kamerave dhe deklaratave publike, ndërsa selia rozë nuk dha asnjë informacion rreth përmbajtjes së diskutuar në të. Takimi vjen një ditë pasi PS u regjistrua në Komisionin Qendror të Zgjedhjeve për garën elektorale te 8 majit, regjistrim që u krye në limit të afatit kohor. Në qendër të diskutimeve mësohet të ketë qenë pikërisht situata politike dhe zgjedhjet lokale që po afrojnë. Dy ditë më parë, tre ambasadorë, ai i SHBA-së Aleksandër Arvizu, ambasadori i OSBE-së, Eugen Wollfarth dhe ambasadori gjerman i kërkuan politikës shqiptare impenjimin për realizimin e zgjedhjeve të 8 majit me standardet më të larta të të gjitha proceseve te tilla të realizuara në vendin tonë. Pas regjistrimit të saj në KQZ, PS ka nisur intensivisht përgatitjet për zgjedhjet e 8 majit, duke bërë gati listën e komisionerëve të KZAZ-ve, një detyrim ligjor ky që vjen nga Kodi Zgjedhor të cilin PS e kishte injoruar deri sot.
Opinion
Gostia e kanibalëve dhe zgjimi i shpirtit të kombit
VIOLA ÇULLHAJ
Gota e mbushur e tranzicionit shqiptar
RUDINA HAJDARI
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama