VIDEO/ Tragjedi në qendër të Brukselit, dyshohet për 20 të vdekur pas zjarrit në një ndërtesë! Trupa dhe në ashensor, 6 të tjerë të zhdukur, mister shkaqet

Një alarm u dha herët në mëngjes të martën në Bruksel, pasi disa trupa u gjetën në një ashensor në një kantier ndërtimi në një ndërtesë (Kulla Oxy), që po rinovohej pas një zjarri, sipas Zyrës së Prokurorit të Punës në Bruksel.

Numri i saktë i viktimave nuk është njoftuar ende, por dyshohet për të paktën 20-të sipas raportimeve të mediave, ndërsa hetimet janë duke vazhduar.

Në të njëjtën kohë, gjashtë persona rezultojnë ende të zhdukur, ndërsa autoritetet po shqyrtojnë mundësinë që ata të jenë bllokuar në një ashensor të dytë, në të cilin zjarrfikësit ende nuk kanë arritur të hyjnë.

“Zjarrfikësit arritën të krijojnë një hapje të vogël në një nga ashensorët dhe atje u gjetën disa viktima”, tha Brecht Speybroek, një zëdhënës i Zyrës së Prokurorit të Punës në Bruksel.

“Nuk e dimë ende se sa njerëz janë atje. Është e mundur që këta të jenë gjashtë të zhdukurit, por nuk përjashtohet që të ketë edhe persona të tjerë në ashensorin e dytë ose diku tjetër në ndërtesë”, shtoi ai.

Zjarri u përhap në boshtin e ashensorit

Zjarri shpërtheu pak para orës 08:00 sipas orës lokale në katin e dytë të ndërtesës në rinovim në Bruksel, e quajtur “Kulla Oxy”.

Edhe pse zjarri fillestar u shua shpejt, flakët u përhapën në boshtin e ashensorit, duke shkaktuar një zjarr të ri brenda. Edhe ky zjarr i dytë u vu nën kontroll nga zjarrfikësit.

Dy persona që pësuan djegie u dërguan në Spitalin Ushtarak në Nieder-over-Heibeck, ndërsa një zjarrfikës pësoi lodhje nga nxehtësia dhe iu dha ndihma e parë në vend.

Punëtorët në kantierin e ndërtimit u evakuuan nga ndërtesa dhe u dërguan në një zonë të sigurt, ku iu ofrua mbështetje psikologjike nga Kryqi i Kuq. Në të njëjtën kohë, autoritetet aktivizuan si planin e brendshëm të emergjencës ashtu edhe protokollet e posaçme mjekësore dhe psikosociale të menaxhimit të krizave.

Shkaqet e zjarrit mbeten të panjohura për momentin dhe po hetohen nga autoritetet kompetente.

Ndërtesa është menduar – pas rinovimit të saj – të strehojë apartamente, restorante dhe bare në çati.

JUST IN: Multiple people dead, 6 missing, after a fire erupted at the OXY building in Brussels, Belgium; some victims found inside an elevator. pic.twitter.com/qha9vTTtyQ

— Scope Report (@ScopeReport_) July 14, 2026

© Panorama.al