Imazhe kaosi dhe shkatërrimi të plotë po qarkullojnë në internet, ndërsa përmbytjet masive në Kili kanë vrarë të paktën 10 persona dhe kanë lënë katër të zhdukur.
BBC raporton se është shpallur gjendje e jashtëzakonshme në rajonin e Coquimbos dhe provincën e Huascos, pasi shirat e rrëmbyeshëm shkaktuan përmbytje të gjera dhe rrëshqitje toke.
Në të njëjtën kohë, videot kapin imazhe që të kujtojnë më shumë një mjedis Apokalipsi, ndërsa digat përmbyten, lumenjtë dalin nga shtrati, ndërsa mbeturinat dhe shkëmbinjtë e mëdhenj shkaktuan dëme të mëdha në pjesën më të madhe të rrjetit rrugor të vendit.
Sipas kryetarëve të bashkive lokale, të paktën dhjetë persona kanë vdekur, ndërsa agjencia kombëtare e reagimit ndaj katastrofave të Kilit (Senapred) njoftoi se kushtet ekstreme të motit kanë prekur mijëra qytetarë.
Më shumë se 99,000 njerëz mbeten të bllokuar në pjesë të ndryshme të vendit, ndërsa ka raportime për persona të zhdukur.
Në qytete, rrugët janë përmbytur me autobusë dhe makina që i ngjajnë… nëndetëseve, ndërsa uji i afrohet për t’i mbuluar ato.
Autoritetet meteorologjike kiliane raportuan se zonat e Coquimbos kishin regjistruar reshje shiu historike, me stacionin meteorologjik në Cerro Tololo që regjistroi më shumë se 200 milimetra reshje.
Presidenti kilian José Antonio Cast tha se qeveria kishte vendosur të aktivizonte “gjendjen e fatkeqësisë” të mandatuar nga kushtetuta, pasi vlerësoi shkallën e krizës.
© Panorama.al▶️ CHILE DECLARÓ ESTADO DE CATÁSTROFE TRAS EL DEVASTADOR TEMPORAL | 🇨🇱🌧️🚨
El Gobierno chileno decretó el estado de catástrofe en las zonas más afectadas por el intenso temporal, que dejó 10 fallecidos, cuatro desaparecidos y más de 1.100 viviendas destruidas.
🌊 Las regiones… pic.twitter.com/wZeVTSIETq
— DELPY 📱🎬 (@delpynews) July 21, 2026
