Nga një Botëror në tjetrin, por diskutimet për Lionel Mesin dhe gazetaren argjentinase Sofi Martinez mbeten të njëjta.
Katër vite më parë, intervistat e saj me yllin argjentinas dhe shikimet që i jepnin njëri-tjetrit, bënë që të aludohej hapur për një histori mes të dyve, në një situatë që raportohet se tërboi bashkëshorten e yllit të futbollit, Antonela Rokuzon. Duket se kjo “miqësi” vazhdon edhe tani dhe Mesi nuk ka bërë asgjë për ta fshehur, pavarësisht kundërshtive që duhet të ketë gruaja e tij.
Pas ndeshjes ndaj Kepit të Gjelbër, kur kaloi në zonën miks, Mesi u ndal pikërisht përballë Sofi Martinez me të cilën u përqafua dhe ajo e puthi në faqe, në një tjetër shenjë afërsie të të dyve.
“Nëse të shoh, thonë përse e pe. Dhe nëse të përshëndet, thonë pse e përshëndete”, ishin fjalët e Mesit. “Vlerësoj atë që the dhe të falënderoj për fjalët e tua”, iu përgjigj gazetarja para se të niste të bënte pyetjet për ndeshjet. Pamjet kanë bërë xhiron e rrjetit dhe kanë ndezur edhe një herë zërat rreth yllit argjentinas.
SHIH VIDEON
PANORAMASPORT.AL
© Panorama.al
