Një fenomen i rrallë është regjistruar në Filipine, ku një meteor në formë topi zjarri është parë teksa afrohej drejt vullkanit aktiv Mayon Volcano gjatë një shpërthimi.
Pamjet u publikuan nga Instituti Filipinas i Vullkanologjisë dhe Sizmologjisë (PHIVOLCS), i cili e ka dokumentuar ngjarjen më 25 maj përmes një kamere në Lignon Hill.
Në video shihet një objekt i ndritshëm që zbret mbi zonën veriore të vullkanit, një nga më aktivët në vend.
Fillimisht u mendua se meteori kishte goditur vullkanin, por pas analizave të të dhënave sizmike, akustike dhe vizuale, autoritetet konfirmuan se objekti hapësinor u shpërbë në atmosferë përpara se të prekte tokën.
Vullkani Mayon është i njohur për formën e tij perfekte konike dhe ndodhet rreth 330 kilometra në juglindje të kryeqytetit Manila. Ai konsiderohet një nga vullkanet më aktive dhe më të paqëndrueshme në Filipine.
Sipas ekspertëve, kombinimi i një shpërthimi vullkanik dhe një fenomeni qiellor kaq i rrallë ka krijuar një pamje mbresëlënëse, të cilën disa shkencëtarë e kanë përshkruar si një skenë të pazakontë dhe dramatike të natyrës.
© Panorama.al
