Një breshër shkaktoi kaos në një koncert të Bad Bunny në Milano, me fansat që vraponin për t’u fshehur ndërsa pamjet u shfaqën në mediat sociale.
Rreth 80,000 njerëz ishin mbledhur për të parë performancën e fundit të këngëtarit në qytet këtë sezon, si pjesë e turneut të tij “Debi Tirar Mas Fotos” të shtunën, më 18 korrik, por një breshër shpërtheu gjatë shfaqjes, duke e detyruar shfaqjen të ndërpritej dhe organizatorët t’u kërkonin njerëzve të evakuonin vendin.
Në videot e postuara në X dhe TikTok, shumë prej tyre fillimisht pritën me qetësi, duke u përpjekur të mbroheshin me çfarëdo që kishin, por më pas filluan të largoheshin masivisht, duke mbajtur çadra dhe peshqirë mbi kokat e tyre.
Sipas mediave të huaja, disa spektatorë u plagosën lehtë, me ekipet e shpëtimit në vendngjarje që po ofrojnë ndihmën e parë, pa raportime për incidente më serioze deri më tani.
Nuk është njoftuar nëse live do të zhvillohet në një datë të re, me Bad Bunny që pritet të shfaqet në Bruksel të mërkurën, më 22 korrik.
© Panorama.al
