Vendosja e kamerave në pjesët kryesore të Tiranës do t’i kushtojë qeverisë 6.6 milionë USD. Në mbledhjen e djeshme të Këshillit të Ministrave u miratua një ndryshim në vendimin për fondet e Ministrisë së Brend-shme. “Ministrisë së Brendshme, në buxhetin e miratuar për vitin 2011, në programin buxhetor ‘Policia e Shtetit’, t’i shtohet fondi prej 660 000 000 (gjashtëqind e gjashtëdhjetë milionë) lekësh, për blerje pajisjesh, mjetesh, materialesh të tjera speciale, si dhe për sistemin e monitorimit me kamera të qytetit të Tiranës”, thuhet në vendimin e miratuar dje nga qeveria. Në të njëjtën kohë është saktësuar se nga ky fond, 634 milionë lekë të klasifikohen, si shpenzime për investime, dhe 25 milionë të tjera për mallra e shërbime. Projekti u prezantua pak ditë më parë nga ministri i Brendshëm, Lulzim Basha. Sistemi i kamerave të vëzhgimit do të mbulojë rrugët, bulevardet, sheshet dhe hapësirat publike në Tiranë, duke u përqendruar më tepër tek institucionet shtetërore dhe ato të biznesit.
Opinion
Gostia e kanibalëve dhe zgjimi i shpirtit të kombit
VIOLA ÇULLHAJ
Gota e mbushur e tranzicionit shqiptar
RUDINA HAJDARI
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama