Shtëpia e Bardhë po përgatitet për një përballje me Iranin mbi Ngushticën e Hormuzit që mund të zgjasë me ditë ose edhe javë, sipas zyrtarëve amerikanë, citon Axios, duke vënë në dukje se ashpërsia e sulmeve do të varet vetëm nga lëvizjet e ardhshme të Teheranit.
Një zyrtar amerikan vuri në dukje se përshkallëzimi aktual nga të dyja palët mund të zgjasë një ose dy ditë, një javë ose një muaj, varësisht nëse Irani vazhdon sulmet e tij ndaj anijeve tregtare në Hormuz.
“Do t’i godasim fort që të dinë se nuk po luajmë“, tha zyrtari.
Në terren, diplomacia ka ngecur për momentin dhe presioni ushtarak është rikthyer në zemër të strategjisë së Trump.
Presidenti amerikan tha të mërkurën se armëpushimi 60-ditor i kërkuar në memorandumin e mirëkuptimit (MOU) ka “mbaruar”, pas një shkëmbimi zjarri të shkaktuar nga sulmet iraniane ndaj anijeve tregtare.
Në dy ditët e fundit, Uashingtoni ka shënjestruar objektiva iraniane, ndërsa Teherani nga ana tjetër, ka goditur në bazat amerikane në rajon.
© Panorama.al
