Pas përfundimit të numërimit të kutive për kryetarin e Bashkisë së Tiranës, vëmendja është përqendruar te gara për kryetarët e njësive bashkiake.Brenda një kohe të shkurtër, numëruesit në dy KZAZ, konkretisht në Njësinë Nr.1 dhe Njësinë Nr.10 kanë përfunduar numërimin e kutive, duke nxjerrë edhe rezultatet përfundimtare. Kështu, në Njësinë 1, pas numërimit të 39 kutive rezulton se Lindita Nikolla e “Aleancës për të ardhmen” ka fituar rreth 1200 vota më shumë se Agron Seseri i “Aleancës për qytetarin”. Në të njëjtën kohë ka përfunduar edhe numërimi në Njësinë Nr. 10, ku pas hapjes së 25 kutive, Blendi Fuga, kryetari aktual i kësaj Minibashkie, i mbështetur nga koalicioni i djathtë, ka fituar rreth 1700 vota më shumë se kandidatja e PS-së, Enada Alikaj. Ndërkohë, numërimi vazhdon me ritme normale edhe në 8 njësi të tjera bashkiake, ndërkohë që në Njësinë Nr. 5, deri në mbrëmje nuk kishte asnjë informacion nga Komisioni Qendror i Zgjedhjeve. Në Njësinë Nr. 2 janë numëruar 45 nga 54 kuti që ka gjithsej kjo KZAZ dhe rezulton se kandidati i koalicionit të djathtë, Elez Gjoza, ka fituar rreth 1 mijë vota më shumë se Artemon Cukalla i PS-së. Në Njësinë Nr.3 janë numëruar 8 kuti votimi, nga 32 që ka gjithsej kjo zonë dhe deri në këto momente është 150 vota përpara Enver Sulollari i PS-së, ndaj Ilir Kokonës së LSI-së. Ndërsa në Njësinë Bashkiake Nr. 4 Hysen Xhura i PD-së ka rreth 760 vota më shumë se Vahid Kalaja i PS-së, kur janë numëruar 15 nga 43 kuti votimi. Në Njësinë Bashkiake Nr. 6, që përfshin zonën e Kombinatit, Krenar Canollari i PS-së ka rreth 900 vota më shumë se Luzhiana Abazaj e LSI-së, ndërsa në Njësinë Nr. 8, Arben Tafaj i PD-së ka grumbulluar deri tani rreth 1600 vota më shumë se Sadi Vorpsi i PS-së, teksa janë numëruar 13 nga 30 kuti votimi. Në dy njësitë e fundit, te Minibashkia 9, kur janë numëruar 11 nga 41 kutitë e votimit Armond Halebi i PS-së ka rreth 150 vota më shumë se Indrit Fortuzi i PD-së, ndërsa te 11-ta Haki Mustafa i PD-së ka rreth 1 mijë vota më shumë se Naim Asllani i PS-së.
Këshilli bashkiak
Pas numërimit të kutive ditën e djeshme rezulton se koalicioni i udhëhequr nga Partia Demokratike ka kaluar koalicionin e PS-së. Konkretisht, “Aleanca për Qytetarin” ka grumbulluar 114 345 vota ndaj 113 640 vota që ka marrë deri tani “Aleanca për të ardhmen”. Diferenca mes këtyre dy koalicioneve është 705 vota. Ndërkohë, PS-ja ka një diferencë prej 25 mijë votash më shumë se Partia Demokratike. Nga aleatët e demokratëve në vend të dytë vazhdon të jetë Lëvizja Socialiste për Integrim me 19688 dhe Partia Drejtësi, Integrim dhe Unitet me 6746. Ndërsa nga aleatët e PS-së si forcë e dytë është Partia Demokracia Sociale me 2819 dhe Partia Socialiste e Vërtetë 91 2432.
Rezultatet ne Tirane
Njësia Nr. 1 39/39 kuti
Lindita Nikolla Aleanca për të Ardhmen 9985
Agron Seseri Aleanca për Qytetarin 8775
Njësia Nr.2 45/54 kuti
Artemon Cukalla Aleanca për të Ardhmen 12723
Elez Gjoza Aleanca për Qytetarin 13793
Njësia Nr. 3 8/32 kuti
Enver Sulollari Aleanca për të Ardhmen 2220 Ilir Kokona Aleanca për Qytetarin 2070
Njësia Nr. 4 15/43 kuti
Vahid Kalaja Aleanca për të Ardhmen 3173 Hysen Xhura Aleanca për Qytetarin 3934
Njësia Nr. 6 37/51 kuti
Krenar Canollari Aleanca për të Ardhmen 8183 Luzhiana Abazaj Aleanca për Qytetarin 7260
Njësia Nr.7 36/50 kuti
Erion Koka Aleanca për të Ardhmen 9774 Krenar Alimehmeti Aleanca për Qytetarin 8991
Njësia Nr.8 13/30 kuti
Sadi Vorpsi Aleanca për të Ardhmen 2560 Arben Tafaj Aleanca për Qytetarin 4112
Njësia Nr. 9 11/41
Armond Halebi Aleanca për të Ardhmen 3198 Indrit Fortuzi Aleanca për Qytetarin 3047
Njësia Nr.10 25/25 kuti
Enada Alikaj Aleanca për të Ardhmen 5060 Blend Fuga Aleanca për Qytetarin 6748
Njësia Nr.11 26/55 kuti
Naim Asllani Aleanca për të Ardhmen 5199
Haki Mustafa Aleanca për Qytetarin 6117
Votat për Këshillin Bashkiak në Tiranë
Aleanca Arbnore Kombëtare 1452
Aleanca Demokratike 1590 Aleanca Europiane Ekologjike 440 Bashkimi Liberal Demokrat 859
Lëvizja për Zhvillim Kombëtar 3635 Lëvizja Socialiste për Integrim 19688
Lidhja Demokristiane Shqiptare 677 Partia Agrare Ambientaliste 668 Partia Aleanca Demokristiane 191 Aleanca për Demokraci dhe Solidaritet 189 Partia Aleanca Popullore 245 Partia Balli Kombëtar 1060
Partia Balli Kombëtar Demokrat 602
Partia Bashkimi Popullor i Pensionistëve 488
Partia Bashkimi Republikan Shqiptar 633
Partia Demokracia e re Europiane 487
Partia Demokracia Sociale 2819
Partia Demokratike 72578 Partia Demokratike e Bashkimit Mysliman 703
Partia Demokristiane e Shqipërisë 1663 Partia Drejtësi Integrim dhe Unitet 6746 Partia e Gjelbër 686 Partia e Punës e Shqipërisë e Riorganizuar 417 Partia e të Drejtave të Mohuara e Re 471 Partia G 99 1571 Partia Komuniste e Shqipërisë 420 Partia Konservatore 77 Partia Lëvizja e Legalitetit 2982 Partia Ligj dhe Drejtësi 831 Partia Ora e Shqipërisë 165 Partia Personat me Aftësi të Kufizuar 356 Partia Reformatore Demokratike 264 Partia Republikane Shqiptare 4274 Partia Socialdemokrate 1966 Partia Socialiste e Shqipërisë 97787 Partia Socialiste e Vërtetë 91 2432
ADI SHKEMBI
© Panorama.al
