Sekretari i Përgjithshëm i Partisë së Lirisë, Tedi Blushi ka uruar besimtarët për festën e Krishtlindjeve.
Në prononcimin për mediat nga Kisha Ortodokse në Tiranë, Blushi përcolli edhe një mesazh politik teksa tha se shqiptarët do të çlirohen njëherë e përgjithmonë nga “sekti” anti familje dhe anti zot.
“Në emër të Partisë së Lirisë, presidentit Meta dhe ermin tim personal i uroj të gjithë besimtarëve dhe popullit të krishterë dhe mbarë popullit shqiptar gëzuar Krishtlindjet.
Sa më shumë mirësi, lumturi e begati. Lindja e Krishtit është lindja e shpresës për ditë më të mirë që patjetër do të vijnë.
Ndaj le të lutemi por në veçanti le të përkushtohemi që Krishtlindjen e ardhshme të gjithë shqiptarët ta festojnë në liri, begati, dinjitet të çliruar njëherë e përgjithmonë nga një sekt anti familje e anti zot.”, tha ai.
Një ditë më parë, edhe kreu i PL-së, Ilir Meta përcolli një mesazh urimi për besimtarët nga paraburgimi i 313-ës, ku ndodhet prej më shumë se një viti tashmë.
© Panorama.al
