Amarda Toska i ka bërë një dedikim të veçantë bashkëshortit të saj, Ermal Mamaqit, në ditën e tij të lindjes.
Përmes një postimi në Instagram, Amarda ka uruar aktorin dhe i ka shprehur dashurinë, ndërsa shkruan se e do si ditën e parë.
“Gëzuar ditëlindjen bashkudhëtari i jetës, zemrës time! Me ty në çdo hap, gëzim, sfidë, sukses është një jetë që më ka përmbushur vazhdimisht! Ti je diell dhe energji e bukur për këdo që të ka pranë! Të dua si ditën e parë!”, ka shkruar ajo.
Moderatorja po ashtu ka publikuar edhe disa foto krah Ermalit, teksa shihen të përqafuar dhe duke u puthur më njëri-tjetrin.
Kujtojmë se dyshja kanë rreth 15 vite të martuar së bashku, dhe janë prindër të dy fëmijëve, Joelit dhe Sias.
