Françesko Açerbi i ka dhënë lamtumirën Interit pasi nuk ka rinovuar kontratën me klubin zikaltër. Dhe duket se pas lamtumirës së tij, kishte gjëra për të thënë për eksperiencën në këto vite, sidomos të fundit nën drejtimin e Kristian Kivu, siç u shpreh vetë në një intervistë për “SportMediaset” që dukej shumë si një sulm ndaj ish-skuadrës.
“Në Mynih, as nuk dolëm në fushë. Ishim të vdekur mendërisht, e kam thënë tashmë: humbet kampionatin në ditën e fundit, pastaj menjëherë finalen e Ligës së Kampionëve, pastaj menjëherë në Amerikën. Ajo që më shqetëson më shumë është ndeshja kundër Sitit, të cilën e kishim në dorë, e luajtëm… atë kundër PSG-së, jo. Nuk jam penduar për asgjë, ishim të vdekur, të rraskapitur, kaq. Pastaj ka nga ata që janë pak a shumë të mërzitur, por nuk kishte asgjë për të rindërtuar. Kishim arritur rezultate të rëndësishme, sipas meje ato ishin konsiderata të çmendura.
Në fillim të sezonit ndodhën gjëra që është e drejtë të mos përmenden. Që atëherë, megjithatë, nuk u dorëzova kurrë, gjithmonë u përpoqa të jepja më të mirën time në çdo rrethanë, në çdo seancë stërvitore, për të ndihmuar ekipin në momente të vështira. Natyrisht, nuk jam vetëm unë, ne mbështetëm njëri-tjetrin për të kaluar këto kohë të vështira, të cilat ishin edhe pse fituam dy tituj.
Sidomos pas eliminimit nga Liga e Kampionëve, kaluam disa muaj, nga janari deri para pushimit ndërkombëtar, ku nuk luanim më, nuk ishim vetvetja, nuk mund të qëndronim në fushë, ishim të lodhur mendërisht. Pastaj arritëm të reagonim: fitorja kundër Romës, pastaj ajo kundër Komos që mbylli përfundimisht kampionatin”, tha ndër të tjera ish-mbrojtësi i Interit i cili ngiti kësisoj dyshime rreth harmonisë që kishte në grupin zikaltër gjatë këtij viti.
PANORAMASPORT.AL
© Panorama.al
