Ministri i Kulturës, Blendi Gonxhja, ka njoftuar nisjen zyrtare të punës për hartimin e Strategjisë Kombëtare të Kulturës 2026–2030. Ky proces synon të ndërtojë një vizion të ri për të ardhmen e kulturës shqiptare dhe përfshin artistë, institucione, ekspertë dhe komunitete.
Në bashkëpunim me Agjencinë Italiane për Bashkëpunim dhe Zhvillim (AICS) dhe Fondacionin “Santagata”, strategjia do të fokusohet në:
Fuqizimin e institucioneve kulturore,
Mbështetjen për artistët dhe skenën e pavarur,
Investime në infrastrukturë kulturore dhe trashëgimi,
Krijimin e kushteve dinjitoze për artin si profesion.
Ministri theksoi se kultura është një forcë krijuese, ekonomike dhe diplomatike që e vendos Shqipërinë në qendër të krijimtarisë në rajon. Ai bëri thirrje për përfshirje të gjerë në këtë proces, nga profesionistët e fushës deri te komunitetet lokale.
Postimi i Ministrit Gonxhja:
të fuqizojë institucionet kulturore; të mbështesë artistët dhe skenën e pavarur; të investojë në infrastrukturën kulturore dhe trashëgiminë kombëtare; të krijojë kushte dinjitoze për artin si profesion e burim të qëndrueshëm jetese.
Nga muzetë e rinj te qendrat krijuese, nga reformat për artin te programet kombëtare të granteve, kjo është një ftesë për çdo zë të artit dhe kulturës shqiptare, por dhe njohës e ekspertë, komunitet e grupim, të bëhet pjesë e procesit!
