Pas miqësores me ekipin e Odesës, ku luan edhe korçari i njohur i Kombëtares shqiptare, Kristi Vangjeli, trajneri i Skënderbeut Levi kishte rezervuar edhe dy fjalë për të tijtë në darkën që konsumuan të gjithë së bashku. Ai i ka përgëzuar të gjithë lojtarët, pasi jo vetëm kanë respektuar detyrat e ngarkuara, por edhe kanë bërë një paraqitje të mirë. Sigurisht që çeku i pankinës korçare nuk ka përmendur emra të përveçëm, por ka mbetur i kënaqur nga rishfaqja ndryshe e sulmuesit vlonjat, Daniel Xhafaj dhe golit që realizoi në atë ndeshje, pavarësisht se vetëm shkurtoi diferencën. Gjithashtu ka mbetur i kënaqur për funksionimin thuajse perfekt të dyshes Shkëmbi-Plaku. Ndërkohë, sa u përket lojtarëve që janë në provë, Levi ka mundur të aktivizojë vetëm Duricën, ndërsa portieri serb e sllovaku nuk e kanë pasur këtë shans. Nga ana tjetër, sulmuesi Sebino Plaku dhe Sokol Cikalleshi kanë lënë përshtypje të mira. Levi ka bërë të ditur se vëzhgimi i tij vazhdon për të gjithë njëlloj, ndaj i ka paralajmëruar të tregohen të kujdesshëm në seancat stërvitore.
Opinion
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
Shqipëria në kërkim të liderit
EVARIST BEQIRI
Këshilla bijës sime në ditën e votimeve
BARDH RUGOVA
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama