Kryeministri britanik, Keir Starmer theksoi sërish se nuk do të largohet nga detyra që i ka besuar populli për të ndryshuar Mbretërinë e Bashkuar.
Teksa mori pjesë në një aktivitet në Hertfordshire, ai e nisi me një referencë për zhvillimet e fundit politike, përfshirjen e ish ministrit Peter Mandelson me Jeffrey Epstein, si dhe kërkesat për të dhënë dorëheqjen pas këtij skandali.
“[Ka disa] njerëz në ditët e fundit që thonë se qeveria laburiste duhet të ketë një luftë tjetër, një luftë me veten, në vend të një lufte për miliona njerëz që kanë nevojë që ne të luftojmë për ta. Dhe u them atyre – nuk do të largohem kurrë nga mandati që më është dhënë për të ndryshuar këtë vend, nuk do të largohem kurrë nga njerëzit për të cilët jam ngarkuar të luftoj, nuk do të largohem kurrë nga vendi që e dua.”, u shpreh Starmer.
Ai thotë se lufta e vërtetë nuk është brenda Partisë Laburiste, por është me politikën e krahut të djathtë dhe politikën e pakënaqësisë.
“Unë kurrë nuk do të heq dorë nga mandati që më është dhënë për të ndryshuar këtë vend, nuk do të heq dorë kurrë nga njerëzit për të cilët jam ngarkuar të luftoj dhe nuk do të heq dorë kurrë nga vendi që dua.
Beteja që po vjen në politikë, beteja e vërtetë nuk është në Partinë Laburiste. Është me politikën e krahut të djathtë që e sfidon atë, politikën e Reformës, politikën e përçarjes, përçarjes, përçarjes, ankesës, ankesës, ankesës, ankesës. Kjo do ta copëtojë vendin tonë. Kjo është lufta në të cilën po hyjmë, dhe unë do të jem në atë luftë për sa kohë që të kem frymë në shpirt.”, u shpreh Starmer.
© Panorama.al
