Deputeti i Partisë Demokratike, Luçiano Boçi, ka ironizuar seancën e Erion Veliajt në Gjykatë Kushtetuese, ku ish-kryebashkikau i Tiranës mori pjesë për të parashtruar argumentet e tij kundër shkarkimit nga detyra.
Boçi e ka paralelizuar situatën e Erion Veliajt me atë të ish-ministrit të Punëve të Brendshme Kadri Hazbiu, para Byrosë.
Deputeti thotë se Kadriun e dënoi Hoxha për spiunazh ndërkohë që meritonte dënim për krimet çnjerëzore bashkë me Hoxhën vetë, ndërsa shton se e njëjta situatë është edhe me Veliajn, i cili, sipas tij, duhet të dënohet për akuza të tjera përveç atyre që i janë ngritur nga SPAK
“Dhe Veliaj njëjtë, e dënon (akuzon) Rama (SPAK) për tanga e bizhu në vend të 5D e inceneratorëve, ku brenda është Rama vetë me të gjithë pikturat e tij”, shkruan deputeti i PD-së.
Reagimi i Luçiano Boçit:
Veliaj sot, nuk e di, por m’u duk në shumë pika si Kadri Hazbiu para Byrosë.
Kadriun e dënoi Hoxha për spiunazh ndërkohë që meritonte dënim (në një realitet tjetër drejtësie) për krimet çnjerëzore ndaj kundërshtarëve të regjimit, patriotëve e nacionalistëve, bashkë me Hoxhën vetë.
Dhe Veliaj njënjtë:
E dënon (akuzon) Rama (SPAK) për tanga e bizhu në vend të 5D e inceneratorëve, ku brenda është Rama vetë me të gjithë pikturat e tij!
© Panorama.al
