Vijojnë protestat masive me thirrje për dorëheqjen e kryeministrit Edi Rama, ndërsa organizatorët dhe pjesëmarrësit kanë paralajmëruar se tubimet do të vazhdojnë çdo ditë në orën 18:00.
Me sloganin “Shqipëria nuk shitet”, protestuesit kanë dalë në sheshe çdo ditë duke shprehur pakënaqësi ndaj qeverisjes dhe duke kundërshtuar projektin për investim në zonën e Zvërnecit.
Protestuesit kanë deklaruar se pjesëmarrja e përditshme nis në orën 18:00 në sheshin “Skënderbej” dhe më pas marshimi drejt kryeministrisë.
“Zëri ynë, dinjiteti ynë, e ardhmja jonë” thuhet në sloganin ku qytetarët ftohen të marrin pjesë.
