Aktori Brad Pitt ka paditur ish-gruan e tij, Angelina Jolie, duke kërkuar dëmshpërblim, mes betejës së tyre të vazhdueshme ligjore për Château Miraval, sipas dokumenteve të reja gjyqësore të siguruara nga PEOPLE.
Më 29 tetor, ekipi ligjor i Brad Pitt publikoi komunikime për dhe nga ekipi i Jolie-s në lidhje me shitjen e aksioneve të saj në vreshtarinë e tyre në vitin 2021, duke kërkuar jo pak, por 35 mln dollarë dëmshpërblim.
Dokumentet përfshijnë një e’mail nga nëntori 2023, në të cilin avokatët e yllit 50-vjeçar iu përgjigjën një padie të mëparshme nga Pitt, që dyshohet se kërkonte miliona dollarë dëmshpërblim.
“Natyra e rëndë e çdo paraqitjeje dokumentesh është për shkak të vetë zotit Pitt – ai është personi që po padit znj. Jolie për 35 milionë dollarë”, shkruan avokatët e Jolie në atë kohë. “Prandaj, ai duhet të mbajë koston e paraqitjes së dokumenteve që do të tregojnë ose jo këto dëme specifike.”
Në një e-mail të dërguar në tetor 2023, ekipi i Jolie-s deklaroi gjithashtu se Pitt” po kërkon dëmshpërblim të vazhdueshëm për dëmin e supozuar që lidhet me funksionimin e Miraval”.
Nga ana tjetër, ekipi ligjor i aktorit 61-vjeçar pretendon se, disa muaj pasi pjesa e Jolie-s u shit, ekipi i saj propozoi një klauzolë më të gjerë moszbulimi si pjesë e procedurave të tyre të divorcit. Brad Pitt kishte ngritur një padi në vitin 2022, duke pretenduar se ish-gruaja e tij ia shiti pjesën e saj të Miraval kompanisë Tenute del Mondo, pavarësisht një marrëveshjeje paraprake që asnjëri prej tyre nuk do ta bënte këtë pa pëlqimin e tjetrit.
Jolie mohoi ekzistencën e një marrëveshjeje të tillë dhe u përgjigj duke ngritur një kundërpadi, duke pretenduar se Pitt po “zhvillonte një luftë hakmarrëse kundër saj”.
Angelina Jolie gjithashtu pretendon se Pitt refuzoi të blinte pjesën e saj, sepse ajo refuzoi të nënshkruante një NDA (marrëveshje moszbulimi) “të hartuar për ta detyruar atë të heshtë në lidhje me abuzimin dhe mbulimin e ngjarjes”, duke iu referuar një incidenti me avion privat në vitin 2016 ku Pitt dyshohet se abuzoi verbalisht dhe fizikisht me familjen e tij.
Pitt në fund të fundit nuk u akuzua nga autoritetet, pasi Jolie refuzoi të ngrinte padi.
© Panorama.al
