Seanca e tretë e gjykimit të ish-Presidentit egjiptian, Hosni Mubarak, përfundoi nga shpërthimi i përleshjeve në sallën e gjyqit dhe jashtë saj. Një mbështetës i Mubarakut ka ngritur lart një foto të tij, duke zemëruar të afërmit viktimave në protestat e janarit. Edhe avokatët e paditësve u bënë pjesë e përleshjes, duke përfunduar me ndërhyrjen e policisë për t’i ndarë ata dhe duke detyruar gjykatësin të ndërpriste seancën. Ka pasur edhe përleshje jashtë gjykatës ndërmjet demonstruesve dhe policisë. Mubarak, 83 vjeç, i cili është shtruar në spital që në muajin prill, u paraqit sërish me barelë spitali në seancën e tretë të gjykimit kundër tij. Kjo seancë u mbajt pa praninë e kamerave, ndryshe nga dy seancat e para. Mubarak akuzohet për përfshirje në vrasjet e protestuesve dhe “nxitjen” e oficerëve për të përdorur municion real kundër tyre. Rreth 850 njerëz kanë vdekur në protestat, në fillim të këtij viti, duke i dhënë fund regjimit prej tri dekadash të Mubarakut me 11 shkurt.
Opinion
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
Shqipëria në kërkim të liderit
EVARIST BEQIRI
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama