SARANDE – Gjurmët e gishtave zbulojnë autorin e vërtetë të grabitjes me dhunë të 52-vjeçares V.Jupe, më 9 shkurt të këtij viti, në fshatin Navaricë të Sarandës. Fillimisht, policia ka arrestuar 58-vjeçarin Hakan Bana, por hetimi i hollësishëm zbuloi se autori i grabitjes me maskë ishte i biri, Mentor Bana. E sapokthyer nga emigracioni, gruaja që jetonte e vetme u bë pre e dhunës dhe e grabitjes së parave që mbante në shtëpi. Policia e Sarandës ndaloi Hakan Banën, pasi në shtëpinë ku rrinte me qira me të birin, u gjetën disa prova nga grabitja. Mohimi i akuzës nga burri shtyu hetuesit drejt gjetjes së gjurmëve të tjera. Shenjat e lëna në vend pas përleshjes me të zonjën e shtëpisë u morën në ekspertim, duke nxjerrë konkluzionin se ato i përkisnin djalit të të arrestuarit, 34-vjeçarit Mentor Bana, i dënuar më parë për vjedhje. Ndërsa në qeli ka hyrë i riu, i ati i tij ka lënë paraburgimin. sh.d
Opinion
Gota e mbushur e tranzicionit shqiptar
RUDINA HAJDARI
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama