Presidenti i Jemenit, Ali Abdullah Saleh, tha të dielën gjatë fjalimit të tij në Kongresin e Përgjithshëm të Popullit, në kryeqytetin Sana, se të gjitha vendimet e tij kanë marrë miratimin e deputetëve. Ai foli mbi zhvillimet e dhunshme në vend gjatë dy muajve të fundit, që kërkojnë demokraci dhe dorëheqjen e tij. “Demokraci do të thotë që njerëzit të marrin frymë lirisht dhe të flasin me arsye. Por ata e kanë keqkuptuar demokracinë”, tha ai. Saleh akuzoi Al Kaedën, gjeneralët që dezertuan dhe rebelët Houthi, se janë bashkuar kundër pushtetit. “Nëse ne qëndrojmë bashkë, kriza do të mbarojë”, tha ai. Presidenti paralajmëroi për afrimin e një situate kaotike, njëlloj si ajo e Somalisë. “Ai që duhet të largohet, është grupi i konspiracionit, jo mbajtësi legjitim i Kushtetutës”, tha Saleh. Ndërkohë, raportohet se në Sana protestuesit kanë vrarë gjashtë anëtarë të forcave të rendit.
Opinion
Gostia e kanibalëve dhe zgjimi i shpirtit të kombit
VIOLA ÇULLHAJ
Gota e mbushur e tranzicionit shqiptar
RUDINA HAJDARI
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama