Rusia ka deklaruar se do të pozicionojë raketat që kanë objektiv Europën, si përgjigje ndaj planeve të NATO-s për të instaluar sistemin e mbrojtjes nga raketat në Europën Lindore. Autoritetet ruse thanë se nuk po e gjejnë dot gjuhën e përbashkët me NATO-n. Ndërkohë, ministrat e Jashtëm të vendeve anëtare të NATO-s janë mbledhur në samit në Bruksel, ku tema kryesore është rishikimi i disa çështjeve që u diskutuan në konferencën për Afganistanin në Bon. Sekretari i Përgjithshëm i NATO-s, Anders Fogh Rasmussen, tha se “komuniteti ndërkombëtar theksoi përfshirjen e tij afatgjatë në Afganistan në konferencën e Bonit. NATO do të vazhdojë të japë kontributin e saj të plotë. Ne do të vlerësojmë se si mund të ofrojmë mbështetje pas përfundimit të misionit në vitin 2014”, tha ai. Rasmusen komentoi se veprimet e Moskës nuk janë asgjë tjetër veçse harxhim parash. Ai theksoi se sistemi mbrojtës i raketave nuk ka si objektiv Rusinë. Të mërkurën, shefi i Forcave të Armatosura Ruse, gjenerali Nikolai Makarov, deklaroi se vendi i tij po “vihet nën presion” në një garë armatimi kundër mburojës së NATO-s.
Opinion
Gota e mbushur e tranzicionit shqiptar
RUDINA HAJDARI
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama