Presidenti rus Vladimir Putin ka deklaruar se plani 28-pikësh i hartuar nga presidenti amerikan Donald Trump dhe i diskutuar në bisedimet SHBA–Ukrainë në Gjenevë, mund të shërbejë si bazë për marrëveshjet e ardhshme.
Megjithatë, ai theksoi se dokumenti “nuk është version përfundimtar” dhe se disa prej pikave “kërkojnë diskutime të mëtejshme”.
Putin u shpreh se Moska “po sheh qëndrime më të afërta nga SHBA-të” dhe se amerikanët po marrin parasysh kërkesat ruse në procesin e negociatave.
Nga ana tjetër, ai hodhi poshtë me tone të forta deklaratat perëndimore se Rusia po përgatit një sulm ndaj Evropës, duke i quajtur këto pretendime “qesharake”.
Deklaratat e Putinit vijnë në një moment kur bisedimet midis Uashingtonit, Kievit dhe Moskës po bëhen gjithnjë e më intensive, ndërsa mbetet e paqartë se cilat nga pikat e planit mund të pranohen nga palët.
© Panorama.al
