Një ngjarje e rëndë është shënuar mesditën e kësaj të premteje, 19 qershor, ky dy fëmijë janë mbytur në det në Lezhë.
Tragjedia është shënuar në plazhin e Tales. Sipas informacioneve, bëhet fjalë për dy vajza të moshave 9 dhe 11 vjeç nga Fushë Kruja.
Policia bën me dije se në bashkëpunim me pushuesit, është bërë e mundur gjetja dhe nxjerrja e trupave të pajetë në breg.
Njoftimi i policisë:
Rreth orës 12:50, në plazhin e Tales, dy shtetase të mitura, të moshave 9 dhe 11 vjeçe, dyshohet se janë mbytur duke u larë në det.
Shërbimet e Policisë Kufitare dhe të DVP Lezhë kanë shkuar menjëherë në vendngjarje.
Në bashkëpunim me pushuesit, është bërë e mundur gjetja dhe nxjerrja e trupave të pajetë në breg.
Grupi hetimor ndodhet në vendngjarje dhe, nën drejtimin e Prokurorisë, vijon puna për zbardhjen e rrethanave të rastit.
© Panorama.al
