Aktori Bradley Cooper dhe modelja Gigi Hadid thuhet se janë një hap më afër martesës, teksa romanca e tyre në çift shfaqet e forcuar dhe e qëndrueshme prej kohësh.
“Daily Mail” raporton se aktori 50-vjeçar i ka kërkuar tashmë nënës së saj, Yolanda Hadid, leje për t’i propozuar martesë.
Burimet thonë se Bradley Cooper donte të tregonte sa seriozisht e merr lidhjen e tij me supermodelen 30-vjeçare, duke shprehur qëllimin e tij për të krijuar një familje së bashku në New York. Ai gjithashtu i ka njoftuar nënës së tij, Gloria Cabano, me të cilën mban një lidhje të ngushtë.
Gigi Hadid, sipas të njëjtave informacione, e di që propozimi për martesë është çështje kohe dhe tashmë e ka diskutuar mundësinë e martesës si me nënën e saj, ashtu edhe me babanë e saj, Mohamed Hadid. Siç vëren një person nga mjedisi i saj, pranimi i nënës së saj u mor si i mirëqenë, megjithatë diskutimi me babanë e saj e bëri vendimin më zyrtar.
Fëmijët e tyre luajtën gjithashtu një rol në vendimin e çiftit për t’u martuar. Bradley Cooper ka një vajzë tetëvjeçare, Lea de Seine, me ish-partneren e tij Irina Shayk, ndërsa Gigi Hadid ka një vajzë pesëvjeçare, Kai, nga lidhja e saj me Zayn Malik.
Përfaqësuesit e të dyve nuk kanë komentuar ende mbi informacionin.
Megjithatë, të shtunën e kaluar, çifti u shfaq veçanërisht i dashur në New York, pasi u panë të mbajtur për dore pas një shfaqjeje në Broadway, duke konfirmuar se marrëdhënia e tyre mbetet në gjendje të shkëlqyer.
© Panorama.al
