“Miqtë e mi të dashur, prej vitit të ardhshëm do të predikojmë fjalën e perëndisë në Londër”. Janë fjalët e Simeone Leites, nënës së Kakasë, të cilat sipas shtypit spanjoll, më saktë madrilenes “AS”, hedhin dritë mbi të ardhmen e fantazistit brazilian të Real Madridit. Mbrëmjen mes të dielës dhe së hënës, përmes adresës së saj në rrjetin social “Tëitter”, mamaja e ish-futbollistit të Milanit shkruante: “Do të jemi në Londër duke nisur që nga gushti i vitit të ardhshëm”. “As” shkruan se familja e Kakasë është shumë e bashkuar dhe e ka ndjekur nga pas mesfushorin në çdo hap të karrierës së tij jashtë vendlindjes, Brazilit. Por, zonja Leite, nuk u është përgjigjur pyetjeve të shumta bërë nga tifozët e Realit, të cilët kërkonin të dinin nëse edhe Kaka do të transferohej drejt Anglisë, apo ky ishte vetëm një vendim i familjes së tij. Tashmë prej vitesh flitet për një interesim të Çelsit për lojtarin e kombëtares së “Seleçao”-s. Klubi i Roman Abramoviçit e ndjek karrierën e asit brazilian me interes që në kohën kur ai luante me kuqezinjtë e Milanit në Serinë A.
Opinion
Gota e mbushur e tranzicionit shqiptar
RUDINA HAJDARI
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama