Në Tiranë është zhvilluar protesta e 37-të radhazi e qytetarëve që kërkojnë dorëheqjen e kryeministrit Edi Rama dhe largimin e qeverisë aktuale.
Pas disa orësh qëndrese para Kryeministrisë, ku u mbajtën fjalime nga qytetarë, aktivistë dhe shqiptarë të ardhur nga diaspora, protesta është zhvendosur, ashtu si çdo natë tashmë, në rrugët e Tiranës.
Edhe sot, si në 37 ditët më parë, protesta dhe marshimi është shoqëruar me thirrjen që tashmë është kthyer në refren: “Rama, jep dorëheqjen!”
Po ashtu, mijëra qytetarë kanë brohoritur me zë edhe një tjetër thirrje të protestës: “Shqipëria kërkon revolucion.”
© Panorama.al
