PS prezantoi nismën për heqjen e mundësisë së pezullimit nga GJKKO, e Ngarkuara me Punë e SHBA shkon në Parlament!

E ngarkuara me Punë e SHBA-së në Tiranë, Nancy VanHorn ka mbërritur ditën e sotme, 17 shkurt, në Kuvendin e Shqipërisë, ku është pritur në takim nga kryetari i Parlamentit Niko Peleshi.

Burime bëjnë me dije se ditën e nesërme, Nancy VanHorn do të zhvillojë gjithashtu dhe një takim me kreun e Grupit Parlamentar të Partisë Socialiste, Taulant Balla.

Takimi i Van Horn vjen një ditë pas takimit të Grupit Parlamentar të PS-së ku është propozuar dhe ndryshimi ligjor në Nenin 242.

LEXO EDHE: “Kundërpërgjigje ndaj pezullimit të Belinda Ballukut!”- Nisma e ligjore e PS-së, BIRN: Rama zyrtarizon forcimin e imunitetit për kabinetin e tij qeveritar

Socialistët, me në krye kryeministrin Rama, bënë me dije se do të ndryshonin nenin 242 të Kodit të Procedurës Penale, duke i hequr të drejtën gjykatave që të marrin vendime pezullimi ndaj kryeministrit, ministrave, Presidentit, Avokatit të Popullit dhe kreut të KLSH-së.

Ndryshimet ligjore të propozuara, vijnë pasi Gjykata Kushtetuese rrëzoi për mungesë kuorumi pretendimet e Ramës se pezullimi i Belinda Ballukut nga Gjykata e Posaçme ishte shkelje e kushtetutës.

Megjithatë, gjatë takimit të grupit parlamentar, Rama tha se propozimi nuk kishte të bënte me rastin konkret.

LEXO EDHE: RELACIONI/ Pas vendimit të “Kushtetueses” për Ballukun, zbardhet nisma e PS: Jo pezullim nga detyra të Kryeministrit e ministrave! Do të ruhen të paprekura kompetencat e organeve të drejtësisë

© Panorama.al