Deputeti i PD-së, Belind Këlliçi ka komentuar progres-raportin e Këshillit Europian për Shqipërinë, duke sjellë në vëmendje sulmin ndaj News24.
“Një ndër konstatimet e Progres Raportit nga Këshilli Europian për Shqipërinë ishte klima e rënduar e kontrollit mbi median dhe represioni shtetëror mbi të”, shkruan Këlliçi.
Ai shkruan se rastet e dhunës institucionale mbi median janë flagrante dhe në sytë e të gjithëve.
Ndërsa sjell në vëmendjen sulmin ndaj News24, duke theksuar se u godit me urdhër politik dhe se sinjali u ndërpre vetëm për të heshtur median kritike me qeverinë.
“Majfton të kujtojmë rastin e tre muajve më parë, kur katër media të mëdha shqiptare, News24, BalkanWeb, Panorama dhe Radio Rash, u goditën me urdhër politik duke u ndërprerë sinjalin e transmetimit, vetëm për të heshtur median kritike me qeverinë”, shkroi demokrati.
Duke shtuar: “Dhuna nuk kurseu as gazetarët apo punonjësit e këtyre mediave, të cilët u nxorrën me forcë nga redaksitë e tyre!”
Postimi i plotë:
Një ndër konstatimet e Progres Raportit nga Këshilli Europian për Shqipërinë ishte klima e rënduar e kontrollit mbi median dhe represioni shtetëror mbi të.
Duke cituar: Shqetësim mbi ligjshmërinë dhe procesin e rregullt ligjor në lidhje me veprimin e autoriteteve në parandalimin e aksesit të gazetarëve nga katër media… masat kufizuese nuk ishin proporcionale dhe në kundërshtim me nenin 10 të KEDNJ-së mbi lirinë e shprehjes…”
Rastet e dhunës institucionale mbi median janë flagrante dhe në sytë e të gjithëve.
Majfton të kujtojmë rastin e tre muajve më parë, kur katër media të mëdha shqiptare, News24, BalkanWeb, Panorama dhe Radio Rash, u goditën me urdhër politik duke u ndërprerë sinjalin e transmetimit, vetëm për të heshtur median kritike me qeverinë.
Dhuna nuk kurseu as gazetarët apo punonjësit e këtyre mediave, të cilët u nxorrën me forcë nga redaksitë e tyre!
Një shoqëri demokratike me një media të lirë, nuk mund të jetë njëkohësisht një shoqëri ku vija e partisë bëhet me forcë linja editoriale dhe të gjitha mediat uniformizohen në propagandën monotone.
© Panorama.al
