Polonia, Ukraina (si vende pritëse), Gjermania, Rusia, Italia, Franca, Holanda, Greqia, Anglia, Danimarka, Spanja, Suedia, por edhe Kroacia, Çekia, Irlanda dhe Portugalia janë 16 skuadrat pjesëmarrëse në Kampionatin Europian të 2012-s. Katër skuadrat e fundit u kualifikuan vetëm pas ndeshjeve “play off” të zhvilluara më 11 dhe 15 nëntor. Kështu Kroacia barazoi pa gola mbrëmë në fushën e vet me Turqinë, teksa kishte fituar ndeshjen e parë 3-0 në Stamboll. Irlanda barazoi 1-1 me Estoninë, por ndeshjen e parë në Talin e pat fituar 4-0. Çekia fitoi minimalisht 0-1 në Podgoricë, teksa kishte fituar edhe në ndeshjen e parë 2-0. Ndërsa Portugalia mundi 6-2 Bosnjë-Hercegovinën në ndeshjen e mbrëmshme falë golave të Kristiano Ronaldos (8′, 53′), Nanit (24′), Helder Postigës (72′, 82′) dhe Veloso (80′). Për boshnjakët shënoi Misimoviç (41′) dhe Spahiç (65′), por duhet thënë se nga minuta e 54-t Bosnja luajti me një lojtar më pak pas daljes me karton të kuq të Luliç. Takimi i parë mes këtyre dy skuadrave përfundoi në barazim 0-0. Sakaq më datë 2 dhjetor është programuar nga UEFA në Kiev të Ukrainës, hedhja e shortit për 16 skuadrat (në katër grupe) pjesëmarrëse.
Opinion
Gota e mbushur e tranzicionit shqiptar
RUDINA HAJDARI
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama