Sekretari i Përgjithshëm i OKB-së, Antonio Guterres, reagoi për propozimin e planit me 28 pika të presidentit amerikan Donald Trump.
Ai tha se “çdo zgjidhje paqësore për Ukrainën duhet të respektojë integritetin e saj territorial”.
I pyetur gjatë një konference për shtyp në Johanesburg sot, në lidhje me planin për Ukrainën të paraqitur nga SHBA-të, kreu i Kombeve të Bashkuara theksoi se:
“Ky plan nuk është paraqitur kurrë zyrtarisht nga SHBA-të apo ndonjë entitet tjetër”.
Megjithatë, “një plan paqeje duhet të respektojë Kartën e OKB-së dhe të drejtën ndërkombëtare, shtoi ai”.
“Një zgjidhje paqësore për Ukrainën në përputhje me këto parime duhet të respektojë edhe rezolutat e Asamblesë së Përgjithshme (të OKB-së), të cilat përcaktojnë qartë se integriteti territorial i Ukrainës dhe në përgjithësi në të gjithë botën integriteti territorial i shteteve duhet të respektohet”, theksoi Guterres.
© Panorama.al
