Deputeti i Partisë Demokratike, Igli Cara, zhvilloi një takim me demokratët dhe qytetarët e Durrësit, ku u diskutua hapur për situatën politike, ekonomike dhe shoqërore në vend, dhe domosdoshmërinë për të qenë në protestën e sotme në orën 18:00.
Mesazhi ishte i qartë dhe i drejtpërdrejtë: përballë një regjimi që ka goditur rëndë mirëqenien, demokracinë dhe të ardhmen e vendit, pjesëmarrja në protestë nuk është më një zgjedhje individuale, por një domosdoshmëri kombëtare.
Reagimi i deputetit të PD, Igli Cara:
Sot, me demokratët dhe qytetarët e Durrësit, folëm hapur dhe me përgjegjësi për detyrën që kemi përpara.
Pjesëmarrja në protestën e nesërme nuk është zgjedhje, është domosdoshmëri.
Regjimi i Ramës ka varfëruar familjet shqiptare, ka përzënë fëmijët tanë nga atdheu, e ka kthyer Shqipërinë në narkoshtet dhe ka grabitur buxhetin e shtetit dhe çdo pronë publike.
Nesër, më 22 Dhjetor, në orën 18:00, të gjithë në protestë kundër regjimit.
Koha nuk pret. Shqipëria na thërret! Partia Demokratike Dega Durrës
© Panorama.al
