Katër persona që vepronin si një bandë për vjedhje të specializuar të apartamenteve, kanë përfunduar në prangat e karabinierëve.
Ata u arrestuan mbrëmjen e shkuar në qendër të Ankonës, në zonën e Galleria, ku kriminelët kishin vendosur bazën e tyre.
Në pranga përfunduan Bredar Sala, 36 vjeç, Laurenc Balla, 33 vjeç dhe Ibrahim Leski, 29-vjeç si dhe Albert Cristiano, 40 vjeç.
Nga pamjet e kamerave të sigurisë në vendet ku banda shqiptare kishte vizituar, policia vuri re praninë e një makine Citroen C3. Një provë që ishte vendimtare për shtrëngimin e rrethit ndaj të katërve.
Makina drejtohej rregullisht nga Laurenc Balla, të cilën e kishte marrë pranë një agjencie në Camerano, të cilën nuk e kishte kthyer ende, një shenjë e qartë e “punës” ende të përfunduar.
Makina me të katër në bord u përgjua, pothuajse menjëherë, në zonën ku ndodhën vjedhjet e kaluara. Në këtë mënyrë, hetuesit arritën të identifikojnë tre personat që zbrisnin nga makina.
Makina Citroen e marrë me qira nga Laurenc Balla, lëvizi me kujdes nga skena e bastisjes, ndërsa karabinierët e vëzhgonin në distancë.
Disa orë më vonë, në kohën e rënë dakord, kur Laurenc Balla drejtoi makinën “Citroen C3” të kthehej në Polverigi dhe të merrte përsëri shokët në fund të ditës së “punës”, për hetuesit ishte e qartë se tashmë kishin identifikuar plotësisht bandën. Nga kjo, hetuesit shkuan tek shtëpia që ata përdornin në Ankona, e përdorur nga Balla si bazë për sulmet e ndryshme në provincë. Pas kësaj, forcat e rendit u vunë në aksion për arrestimet. Shqiptarët vështirë se kishin kohë për të reaguar ndaj aksionit të befasishëm.
Më i riu i të arrestuarve, ishte mbajtësi i tre identiteteve të ndryshme zyrtare, në mënyrë që të devijonte një procedurë paraburgimi të lëshuar korrikun e kaluar nga Gjykata e Napolit të Veriut, për akuzat e vjedhjes, kësaj here, në provincën e Frosinone.
Edhe 29 vjeçari Ibrahim Leski, 29-vjeç, mbante edhe një emër tjetër, përkatësisht Ibrahim Lleshi ose Indrit Lleshi.
Policia sekuestroi kaçavida, çelësa, thika, ventilator, gërshërë të mëdha dhe çdo gjë tjetër e dobishme për të detyruar dritaret dhe dyert.
Midis plaçkave të vjedhura, policia gjeti 12 orë si dhe rreth 3,000 euro, mallra dhe monedha, të cilat do t’u kthehen pronarëve.
© Panorama.al
