TIRANE- Komiteti Shtetëror për Kultet me rastin e festave shtroi sot një drekë me drejtuesit e bashkësive fetare tradicionale, me përfaqësues të pushtetit qëndror e vendor, përfaqësues të Trupit Diplomatik e besimtarë.
Paqja dhe harmonia mes besimeve fetare u vlerësua si një vlerë e veçantë për vendin tonë, i cili tashmë është bërë model në botë, që I bën shqiptarët krenarë dhe I obligon që të ruajnë të paster e ta transmetojnë ta shëndetshëm edhe për gjeneratat e ardhshme.
Kryetari i Komitetit Shteteror për Kultet Av.Rasim Hasanaj, u uroi të pranishmit për vitin e ri.
Në këtë dreke merrnin pjesë kryetari i Bashkise se Tiranes, Lulzim Basha, dhe ministri i Turizmit, Kultures, Rinise e Sporteve, Aldo Bumçi.
Nga komunitetet fetare, H.Selim Muça, kryetar i Komunitetit Musliman te Shqiperise, Hirësi Nikolla Hyka, përfaqësues i Kishës Ortodokse Autoqefale të Shqiperise, Imzot Rrok Mirdita, President i Konferences Ipeshkvnore të Shqipërisë, Baba Edmond Brahimaj, Kryegjyshi i Kryegjyshates Boterore Bektashiane, Pastor Fitor Muça, President i Vellazerise Ungjillore te Shqiperise, etj.
Të pranishëm në këtë ditë gëzimi ishin edhe përfaqesues të Ambasades Amerikane në Tiranë, të BE-së, të OSBE-së dhe Nunci Apostolik i Selisë së Shenjtë, Ramiro Moliner Ingles.
© Panorama.al
