Raketa “Starship” e kompanisë SpaceX arriti në destinacionin e saj final, në Oqeanin Indian, pavarësisht problemeve të raportuara me motorët gjatë fluturimit.
Sipas pamjeve të publikuara, mjeti hapësinor nisi të përfshihej nga flakët ndërsa ishte ende në lëvizje, pak para kontaktit me sipërfaqen e ujit.
Gjatë uljes në oqean, Starship u përfshi plotësisht nga flakët, pasi krijoi fillimisht një valë të madhe në momentin e përplasjes me ujërat e Oqeanit Indian.
Ndërkohë, në Teksas ishte mbledhur një numër i madh njerëzish për të ndjekur nga afër nisjen e raketës së SpaceX.
Të pranishmit shpërthyen në duartrokitje në momentin e ngritjes së Starship.
© Panorama.al
