TIRANE- Me rastin e Ditës Botërore të Lirisë së Shtypit Kryetari i Prezencës, së OSBE-së në Shqipëri, Ambasadori Eugen Wollfarth inkurajoi median, autoritetet shteterore dhe partite politike te punojnë së bashku për të përmirësuar cilësinë e informacionit qe transmetohet per opinionin.
Permes nje deklarate per shtyp, Wollfarth apeloi per transparence dhe profesionalizem. “Një transparencë dhe hapje më e madhe ndaj medias, nga ana e zyrtarëve shtetërorë dhe partive politike, si dhe standarde më të larta profesionale, nga ana e gazetarëve, janë të domosdoshme në rritjen e cilësisë së informacionit që jep media”, ka thënë Wollfarth.
Ai përshëndeti vendimin e fundit të Kolegjit Zgjedhor njohur që u njeh stacioneve televizive të drejtën për të vendosur vetë t`i përdorin apo jo kasetat e gatshme të partive politike.
“Mediat kanë një rol jashtëzakonisht të rëndësishëm për të luajtur në procesin e vazhdueshëm zgjedhor në informimin e qytetarëve me programet platformat politike te kandidateve”- thuhet ne deklarate.
Sipas tij, përmes raportimit objektiv dhe të balancuar, media kontribuon në konsolidimin e demokracisë në Shqipëri.
© Panorama.al
