Presidenti amerikan, Barak Obama, u ka bërë thirrje ligjvënësve, që të vazhdojnë në frymën e unitetit kombëtar, pas vrasjes se Osama bin Ladenit.
Në një darkë për liderët e Kongresit, mbrëmë vonë, presidenti Obama tha se vendi po e përjeton të njejtin lloj të bashkimit, që kishte ndodhur pas sulmeve terroriste më 11 shtator 2001.
Presidenti i Shteteve të Bashkuara tha se bota është një vend më i mirë pas vdekjes së liderët të Al Kaidës, Osama bin Laden.
Ndërkaq, duke folur në një ceremoni në Shtëpinë e Bardhë, Obama tha se kjo ishte ditë e mirë për vendin dhe se Shtetet e Bashkuara e mbajtën zotimin që drejtësia të shkojë në vend.
“Sot na përkujtohet se nuk ka asgjë që nuk mund të bëjmë si komb kur punojmë së bashku, dhe kur e kujtojmë ndjenjën e unitetit që na përkufizon si amerikanë”, tha Obama, cituar nga Rel.
Sekretarja amerikane e Shtetit, Hillari Klinton tha se porosia për talibanët mbetet e njëjtë.
“Nuk na mundni dot, por mund të zgjidhni të braktisni Al Kaidën dhe të merrni pjesë në procesin politik paqësor”, tha Klinton.
