Tiago Mota shënon golin e Italisë në transfertën e vështirë mbrëmë në Slloveni. Argjentinasi me prejardhje italiane dhe së fundmi i pajisur edhe me pasaportë të këtij vendi, shënoi në minutën e 73-të të pjesës së dytë, pas shumë rasteve të humbura nga djemtë e drejtuar nga Çezare Prandeli. Duhet pranuar se Italia ka treguar se “Prandeli” ka ndryshuar thuajse në 90 për qind të asaj që doli nga Botërorit i 2010-s. Në portë ishte legjendari Bufon, ndërsa katërshja e mbrojtjes përbëhej nga Maxhio, Bonuçi, Kielini dhe Balzareti. Mesfusha ndahej nga Montolivo, Mota, Akuilani dhe Mauri, ndërsa në sulm luajtën nga minuta e parë dyshja Kasano-Pacini. “Axurrët” e nisën lojën në sulm që nga minuta e parë dhe rrezikuan disa herë portën e mbrojtur nga Handanoviç. Nga 11-shja titullare stonoi vetëm Mauri, i cili u zëvendësua nga pjesën e dytë nga Noçerino. Me këtë fitore Italia konsolidoi vendin e parë me 13 pikë, e ndjekur nga Sllovenia me 7 pikë, Serbia po 7 pikë, Estonia 6 pikë, Irlanda e Veriut me 5 pikë dhe Ishujt Faroe me një pikë.
Opinion
Gostia e kanibalëve dhe zgjimi i shpirtit të kombit
VIOLA ÇULLHAJ
Gota e mbushur e tranzicionit shqiptar
RUDINA HAJDARI
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama