Kryeministri izraelit, Benjamin Netanyahu ka sulmuar kryebashkiakun e New York-ut, Zohran Mamdani, duke thënë se apo po feston për sulmet e Hamasit ndaj Izraelit në tetor të vitit 2023 dhe se po nxit urrejtje kundër hebrenjve.
Në një intervistë për Fox News, Netanyahu iu përgjigj komenteve të Mamdanit për të shqyrtuar arrestimin e tij në New York, duke thënë se ndërsa qyteti nuk ka autoritetin për të ekzekutuar një urdhër arresti të Gjykatës Ndërkombëtare Penale kundër kryeministrit, Netanyahu mbetet person non grata në qytet.
“Nuk mendoj se është rastësi që pasi ai bëri këtë fjalim urrejtjeje kundër Izraelit dhe kundër meje, të nesërmen një hebre goditet me thikë duke dalë nga një sinagogë — mendoj me një britmë ‘Allahu Ekber’”, tha ai duke shtuar:
“Hebrenjtë ndihen shumë në siklet. Unë flas me shumë nga miqtë e mi dhe ata thonë: ‘Është si një botë tjetër. Kemi frikë të dalim në rrugë. Sigurisht që nuk duam të veshim yarmulke ose ndonjë veshje që do të zbulonte se jemi hebrenj.’”
Mamdani tha javën e kaluar në një intervistë se Netanyahu “i përket Hagës”.
“Ai është një kriminel lufte i akuzuar nga Gjykata Ndërkombëtare Penale”, tha ai.
Ai deklaroi gjithashtu se po shqyrtonte nëse kishin kompetencë për të bërë të mundur arrestimin e Netanyahut nëse ai do të vizitojë qytetin për Asamblenë e Përgjithshme të OKB-së në shtator.
© Panorama.al
