Izraeli do të shpenzojë 350 miliardë shekel (110 miliardë dollarë), për të zhvilluar një industri të pavarur armësh, për të zvogëluar varësinë nga vendet e tjera.
Kështu njoftoi sot kryeministri Benjamin Netanyahu.
“Ne do të vazhdojmë të sigurojmë furnizimet e nevojshme, ndërsa do të pajisemi në mënyrë të pavarur”, tha Netanyahu në një aktivitet për pilotë të rinj.
“Nuk e di nëse një vend mund të bëhet plotësisht i pavarur, por ne do të përpiqemi të sigurohemi që armët tona të prodhohen sa më shumë të jetë e mundur në Izrael”, tha ai.
Dhe më tej sqaroi se:
“Qëllimi ynë është të krijojmë një industri të pavarur armësh për Shtetin e Izraelit dhe të zvogëlojmë varësinë nga kushdo, përfshirë aleatët”.
© Panorama.al
