Thellimi i marrëdhënieve të mbrojtjes midis Shqipërisë dhe Greqisë ishte një nga temat që u diskutua ndër të tjera, nga Nikos Dendias dhe ministri i ri i Mbrojtjes së Shqipërisë, Ermal Nufi, gjatë vizitës së ministrit grek të Mbrojtjes Kombëtare sot (25 maj) në Shqipëri.
Me një reagim me videomesazh në rrjetin social X, Dendias, ndër të tjera, në deklaratat e tij tha:
“Pata kënaqësinë të takohesha me homologun tim shqiptar, Ermal Nufi. Ishte takimi ynë i parë, ai është Ministri i ri i Mbrojtjes së Shqipërisë. Diskutuam thellimin e marrëdhënieve tona të mbrojtjes. E ftova të vizitonte Athinën. Ai ra dakord që kjo vizitë të zhvillohej në fund të muajit të ardhshëm”.
Dhe shtoi se:
“Është një mundësi shumë e mirë për të diskutuar edhe më shumë me palën shqiptare. Kryesisht, për të rënë dakord për një lexim të përbashkët të sfidave gjeopolitike me të cilat përballet rajoni ynë më i gjerë dhe për të parë brenda kuadrit të NATO-s, por edhe brenda kuadrit të rrugës së Shqipërisë drejt familjes evropiane, çfarë sinergjish mund të gjejmë, ku mund të ndihmojmë dhe ku Shqipëria mund të na ofrojë përvojat e veta nga sulmet kibernetike, që ka marrë në muajt e fundit”.
Sipas raportimit nga “Protothema”, pas pritjes zyrtare në Ministrinë e Mbrojtjes së Shqipërisë, dy ministrat fillimisht patën një takim privat dhe më pas një takim të zgjeruar, me pjesëmarrjen e delegacioneve të të dy vendeve. Dendias u takua edhe me kryeministrin Edi Rama.
Bisedat midis dy palëve u përqendruan në forcimin e marrëdhënieve dypalëshe në mbrojtje, bashkëpunimin brenda NATO-s, si dhe zhvillimet rajonale dhe ndërkombëtare.
Ministri i Mbrojtjes Kombëtare iu referua bashkëpunimit në mbrojtje midis Greqisë dhe Shqipërisë, me një angazhim ndaj parimeve të së Drejtës Ndërkombëtare dhe rëndësisë për marrëdhëniet dypalëshe të respektimit të të drejtave të pakicës kombëtare greke, e cila është një shtyllë paqeje, sigurie dhe progresi për të gjithë rajonin.
“Gjithashtu, zotërinjtë Dendias dhe Noufi ranë dakord të thërrasin menjëherë Komitetin e Përbashkët të Ekspertëve për Varrezat Ushtarake, një veprim që konfirmon se Greqia respekton gjatë gjithë kohës ata që sakrifikuan veten për atdheun”, njoftoi ministria e vendit fqinj.
Είχα την ιδιαίτερη χαρά, να με ξεναγήσει ο Έντι Ράμα @ediramaal στον υψηλής αισθητικής κήπο του πρωθυπουργικού μεγάρου της #Αλβανίας, όπου μου παρέθεσε γεύμα. pic.twitter.com/zEy0mZ64lC
— Nikos Dendias (@NikosDendias) May 25, 2026
Takim edhe me Edi Ramën
Më pas, siç ishte njoftuar, Ministri i Mbrojtjes Kombëtare u prit nga Kryeministri i Shqipërisë, Edi Rama, teksa e shoqëron postimin edhe me një foto-galeri nga ky takim.
“Në takimin privat, u zhvillua një diskutim i thelluar mbi situatën gjeopolitike në rajonin e gjerë, ndërsa zoti Dendias pati mundësinë të referohej te Himara, nga e cila besohet se ka origjinën familja e tij, ndërsa përsëriti qëndrimin e tij se Pakica Kombëtare Greke përbën një urë miqësie midis popujve të dy shteteve”, informon media greke.
Pas takimit, Kryeministri shqiptar e shoqëroi Ministrin e Mbrojtjes Kombëtare në kopshtin e Pallatit të Kryeministrit të Shqipërisë, ku shtroi një drekë pune për Ministrin grek. Së fundmi, Ministri i Mbrojtjes Kombëtare pati një takim me Fortlumturinë e Tij Kryepeshkopin e Tiranës, Durrësit dhe të Gjithë Shqipërisë, Ioannis, dhe vizitoi kriptën ku u varros Fortlumturia e Tij Kryepeshkopi Anastas, në Katedralen e Ngjalljes së Zotit në Tiranë.
Duke iu referuar takimit me Kryeministrin e Shqipërisë, Edi Rama, Dendias nënvizoi:
“Ne gjithashtu krijuam një përshtypje për fushën më të gjerë gjeopolitike, situatën në Mesdheun Lindor.” “Po kështu, shtoi ai, vizitova dhe mora bekimin nga Kryepeshkopi Joanis, pasardhësi i Anastasit të Shqipërisë, një njeri në kujtimin e të cilit të gjithë kemi respekt të madh”.
© Panorama.alI had the pleasure of discussing with my Albanian counterpart, Ermal Nufi, the deepening of our defence relations and inviting him to visit Athens. We had the opportunity to agree on a common interpretation of the geopolitical challenges facing our wider region and to examine… pic.twitter.com/7QUsqzoCiz — Nikos Dendias (@NikosDendias) May 25, 2026
