Partia Demokratike ka përmbysur në Tiranë dominimin prej vitesh të PS-së në minibashkitë e kryeqytetit.Pas mbylljes së numërimit të votave në Njësinë Bashkiake Nr.9 mbrëmë, demokratët dominojnë me 7 minibashki të drejtuara prej tyre, kundrejt 3 të drejtuara nga socialistët. Partia Demokratike rimerr drejtimin e Njësisë Bashkiake Nr.9 pas 10 vjetësh, duke u fituar vazhdimisht nga socialistët, ndërsa dje demokratët me Indrit Fortuzin e rimorën këtë Minibashki me mbi 700 vota avantazh. Njësia Nr.5 dje ka nisur numërimin e votave, si njësia e fundit e cila mbylli të dielën dhe numërimin e votave të kryetarit të Bashkisë së Tiranës. Partia Demokratike ka fituar minibashkitë Nr. 2, 3, 4, 10, 11, ndërsa Partia socialiste ka fituar tre minibashki, Nr.1, 6 dhe 7, ndërsa pretendon se do të fitojë dhe Njësinë Bashkiake Nr.5, e cila është në proces numërimi, ku aktualisht Jeta Seitaj është në avantazh me mbi 800 vota. Socialistët u rikonfirmuan në Njësinë Bashkiake Nr. 1 me Lindita Nikollën, ndërsa rikthyen Minibashkinë Nr.6 në Kombinat, e cila drejtohej nga përfaqësuesja e LSI-së, Luzhiana Abazi. Gjithashtu, socialistë kanë rikonfirmuar edhe Njësinë Nr. 7, por me një kryetar të ri, Erion Kokën. Socialistët kanë humbur minibashki që i kanë pasur prej kohësh nën drejtimin e tyre, si njësitë 2, 3 dhe 4, ku duket se dhe dalja e shumë kandidaturave pretendonte brenda së majtës kanë ndikuar në rezultatin negativ për këtë forcë politike. Në Minibashkinë Nr. 2 ka fituar kandidati i LSI-së, Elez Gjozaj, përballë Artemon Cukallës, me një diferencë prej 1160 votash, duke mbajtur në statistikë sërish një njësi bashkiake për këtë forcë politike pas humbjes së Kombinatit. Ilir Kokona, kryetari aktual në Njësinë Bashkiake Nr.3, është rikonfirmuar në këtë njësi, përballë Enver Sulollarit, me një diferencë prej 322 votash. Por socialistët kanë humbur dhe një njësi bashkiake që e drejtonin prej kohësh. Vahid Kalaja ka humbur Njësinë Nr. 4 përballë Hysen Xhurës, me një diferencë prej 1793 votash.
Këshilli Bashkiak
Lista e partive konkurruese për Këshillin Bashkiak të Tiranës kryesohet nga Partia Socialiste, e cila në zgjedhjet e 8 majit grumbulloi 100783 vota, duke u bërë partia e parë në Tiranë. Partia Demokratike vjen e dyta në listë për nga numri i votave të marra, 74530 vota, ndërsa partitë përbërëse të koalicionit të saj vijojnë të grumbullojnë më shumë vota se ato të koalicionit të majtë. Lëvizja Socialiste për Integrim ka grumbulluar në Tiranë 20525 vota, duke u radhitur partia e tretë që do të ketë dhe një numër jo të vogël këshilltarësh, të cilët do të jenë përcaktues në vendimmarrjen e Këshillit Bashkiak të kryeqytetit. Edhe partia që mbron interesat e komunitetit çam, Partia Drejtësi Integrim dhe Unitet, duket se nuk ka pak mbështetës në kryeqytet, duke marrë 6941 vota e duke u radhitur parti e katërt në listën e Këshillit Bashkiak. Listën e partive që do të kenë këshilltarë në Bashkinë e Tiranës, e vazhdon partia Republikane, e cila në këto zgjedhje ka marrë 4343 vota. Pas tyre, vijojnë Lëvizja për Zhvillim Kombëtar me 3675 vota dhe Partia Demokracia Sociale me 2899 vota.
100783 VOTA
ka marrë Partia Socialiste për Këshillin Bashkiak të Tiranës në zgjedhjet e 8 majit, duke u radhitur e para në listën e partive që përfitojnë këshilltarë
74530 VOTA
ka marrë Partia Demokratike, duke marrë pas PS-së numrin më të madh të këshilltarëve. Pjesë e koalicionit të djathtë, “Aleanca për qytetarin”, pritet të ketë më shumë këshilltar
Votat për Këshillin bashkiak Tiranë
Aleanca Arbnore Kombëtare 1500
Aleanca Demokratike 1628
Aleanca Europiane Ekologjike 453
Bashkimi Liberal Demokrat 886
Lëvizja për Zhvillim Kombëtar 3675
Lëvizja Socialiste për Integrim 20525
Lidhja Demokristiane Shqiptare 688
Partia Agrare Ambientaliste 680
Partia Aleanca Demokristiane 196
Partia Aleanca për Dem. e Solidaritet 192
Partia Aleanca Popullore 247
Partia Balli Kombëtar 1094
Partia Balli Kombëtar Demokrat 608
Partia Bashkimi i Pensionistëve 502
Partia Bashkimi Republikan 660
Partia Demokracia e Re Europiane 497
Partia Demokracia Sociale 2899
Partia Demokratike 74530
Partia Demokratike e Bashkimit Mysliman 716
Partia Demokristiane 1703
Partia Drejtësi Integrim dhe Unitet 6941
Partia e Gjelbër 716
Partia e Punës e Riorganizuar 428
Partia e të Drejtave të Mohuara e Re 505
Partia G 99 1605
Partia Komuniste e Shqipërisë 447
Partia Konservatore 77
Partia Lëvizja e Legalitetit 3096
Partia Ligj dhe Drejtësi 831
Partia Ora e Shqipërisë 165
Partia Personat me Aftësi të Kufizuar 366
Partia Reformatore Demokratike 271
Partia Republikane Shqiptare 4343
Partia Socialdemokrate 2052
Partia Socialiste e Shqipërisë 100783
Partia Socialiste e Vërtetë ’91 2500
Njësia Nr. 1 39/39 kuti
Lindita Nikolla Aleanca për të Ardhmen 9985
Agron Seseri Aleanca për Qytetarin 8775
Njësia Nr. 2 54/54 kuti
Artemon Cukalla Aleanca për të Ardhmen 15 177
Elez Gjoza Aleanca për Qytetarin 16 340
Njësia Nr. 3 32/32 kuti
Enver Sulollari Aleanca për të Ardhmen 8435
Ilir Kokona Aleanca për Qytetarin 8757
Njësia Nr. 4 42/43 kuti
Vahid Kalaja Aleanca për të Ardhmen 9715
Hysen Xhura Aleanca për Qytetarin 11 508
Njësia Nr. 5 9/65 kuti
Jeta Seitaj Aleanca për të Ardhmen 2440
Erisa Xhixho Aleanca për Qytetarin 1621
Njësia Nr. 6 51/51 kuti
Krenar Canollari Aleanca për të Ardhmen 11 419
Luzhiana Abazaj Aleanca për Qytetarin 11 061
Njësia Nr. 7 50/50 kuti
Erion Koka Aleanca për të Ardhmen 13 607
Krenar Alimehmeti Aleanca për Qytetarin 13 206
Njësia Nr. 8 30/30 kuti
Sadi Vorpsi Aleanca për të Ardhmen 6637
Arben Tafaj Aleanca për Qytetarin 9634
Njësia Nr. 9 41/41
Armond Halebi Aleanca për të Ardhmen 11046
Indrit Fortuzi Aleanca për Qytetarin 11862
Njësia Nr. 10 25/25 kuti
Enada Alikaj Aleanca për të Ardhmen 5060
Blend Fuga Aleanca për Qytetarin 6748
Njësia Nr. 11 55/55 kuti
Naim Asllani Aleanca për të Ardhmen 10 735
Haki Mustafa Aleanca për Qytetarin 13 362
Aristir Lumezi
© Panorama.al
