Aeroporti i Vilniusit në Lituani u mbyll të shtunën për shkak të hyrjes në hapësirën ajrore të balonave meteorologjikë nga Bjellorusia fqinje, njofton Qendra Kombëtare për Menaxhimin e Krizave të Lituanisë. Kjo është hera e katërt që trafiku ajror në vend ndërpritet këtë muaj. Aeroporti do të qëndrojë i mbyllur deri në orën 01:00 të së dielës.
Të premten në mbrëmje, aeroportet e Vilniusit dhe Kaunasit gjithashtu u mbyllën pasi radart identifikuan “dhjetëra balona”.
Në javët e fundit, ajrosistemi evropian është përfshirë shpesh në kaos për shkak të dronëve dhe shkeljeve të tjera ajrore, përfshirë aeroportet e Kopenhagës, Mynihut dhe rajonin e Baltikut.
Lituania ka deklaruar se balonat dërgohen nga kontrabandistë që transportojnë cigare në mënyrë të paligjshme, por gjithashtu akuzon presidentin e Bjellorusisë, Aleksandër Lukashenko, aleat të ngushtë të presidentit rus Vladimir Putin, për mosndalimin e këtyre veprimeve.
Kryeministrja e Lituanisë, Inga Ruginienė, njoftoi të premten se Komisioni Kombëtar i Sigurisë do të mblidhet javën e ardhshme për të vlerësuar situatën.
© Panorama.al
