TIRANË- Përfaqësuesit e Gjykatës Kushtetuese kanë kundërshtuar buxhetin e vënë në dispozicion të institucionit duke e cilësuar atë të papranueshëm. Pretendimet janë bërë publike sot gjatë kohës që Komisioni i Ligjeve diskuton për projektbuxhetin e vitit 2012.
Kushtetuesja ka kërkuar një fond shtesë prej 10 milionë lekë të reja për aktivitetet në kuadër të 100-vjetorit të pavarësisë, ndërkohë që krahas kësaj ka kërkuar edhe rritje të fondit të pagave.
Të pakënaqur janë shprehur edhe përfaqësuesit e institucionit të Avokatit të Popullit, duke kërkuar të mos u ulen pagat, të mos cenohet pavarësia e institucionet. Ministria e Financave ka argumentuar se tashmë sistemi i pagave është unifikuar ndërsa ka shtuar se pagat nuk kanë lidhje me pavarësinë e institucioneve.
