Përfaqësuesi ligjor i Partisë Socialiste pranë KQZ-së, Genc Gjonçaj ka kërkuar certifikim të menjëhershëm të rezultatit për Tiranën. Në mbledhjen e pasdites së Komisionit Qëndror të Zgjedhjeve ku po shqyrtohen kërkesat ankimore të depozituara nga individë dhe subjeket politike, Gjonçaj tha se rezultatin për Tiranën tashmë e dinë të gjithën shqiptarët, dhe sipas tij, vonesat janë absurde.
“Çështja e Tiranës, është problem i atyre që pranojnë apo nuk pranojnë rezultatin në Tiranë. Kam depozituar një kërkesë pranë KQZ-së. Bëhet fjalë për një situatë absurde dhe të patolerueshme në KZAZ-në 49. Kjo KZAZ nuk ka përfunduar tabelën. Bllokohet procesi nga komisionerët që nuk pranojnë të certifikojnë atë çka është numëruar”, tha Gjonçaj.
Përfaqësuesi socialist denoncoi edhe përpjekjen e përfaqësuesve të PD-së dhe LSI-së përtë quajtur të vlefshme fletë votimi të gjetura në kutitë ku është votuar për këshillin bashkiak.
Ndërkohë, kreu I KQZ-së, Arben Ristani u shpreh se KZAZ –ja është kompetente për të manaxhuar punën në qendrën e numërimit.
Sipas tij, për çdo ankesë, subjektet e interesuara duhet të çojnë ankimim në KQZ.
© Panorama.al
