Per Presidentin e Serbisë Boris Tadic, Serbia do të vazhdojë të jetë e përkushtuar për bisedimet me Prishtinën, por problemet mes palëve nuk mund të zgjidhen përmes “veprimeve të njëanshme”.
Gjatë një fjalimi që presidenti serb mbajti në linjë të punimeve të Asamblesë së Përgjithshme të Kombeve të Bashkuara, ai u bëri thirrje mekanizmave ndërkombëtar në Kosovë që të veprojnë në përputhje me mandatin e tyre.
“Ka një varg çështjesh që duhet të adresohen në muajt e ardhshëm dhe u bëjë thirrje të gjithë të përfshirëve të mbesin të angazhuar në këtë proces në frymën e konstruktivitetit. Në këtë drejtim, presim që KFOR-i dhe EULEX-i të përmbushin tërësisht doktrinën e Kombeve të Bashkuara për neutralitetin ndaj statusit-në përputhje me mandatet e tyre nën rezolutën 1244 të Këshillit të Sigurimit që është dhe burimi i legjitimitetit universal, sikurse në terren ashtu dhe në fushën ndërkombëtare”, citon Tadicin agjencia e lajmeve serbe B92.
Karshi zgjidhjes së çështjeve me palën kosovare, shtylla e dytë e përqëndrimit të politikës serbe, sipas tij, do të jetë integrimi evropian, përkatësisht marrja e statusit të vendit kandidat për anëtarësim në BE.
© Panorama.al
