SHKUP- Komisioni për lustrimin në Maqedoni pritet që të verifikojë figura të tjera politike dhe ish-funksionarë të lartë shtetëror, nese kanë qenë bashkëpunëtor të shërbimeve sekrete në të kaluarën.
Sipas njoftimeve të këtij komisioni, në mbledhjen e djeshme janë shqyrtuar dhe lustruar gjashtë ish-funksionarë të lartë shtetëror, tre prej të cilëve kanë rezultuar se nuk kanë bashkëpunuar me shërbimet sekrete, ndërsa për tre të tjerët dosjet janë lënë në shqyrtim dhe plotësim me dokumente të tjera shtesë.
Ndërkohë, bëhet e ditur se javën e ardhshme në shqyrtim do të jenë dosjet e tre ish-zyrtarëve të lartë të Ministrisë së Punëve të Brendshme (MPB) të Maqedonisë, të cilët do të lustrohen si përgjegjës për dhënien e urdhërave për ndjekje të qytetarëve dhe dyshimeve për bashkëpunim me shërbimet e tjera sekrete. (INA)
