Kur janë numëruar 397 kuti, nga 485 që janë gjithsej në Tiranë, koalicioni i drejtuar nga Partia Demokratike kryeson me 3476 vota më shumë se koalicioni i drejtuar nga Partia Socialiste në garën për Këshillin Bashkiak.Komisioni Qendror i Zgjedhjeve ka bërë publike dje shifrat më të fundit në proporcional për Tiranën, nga ku rezulton se Aleanca për Qytetarin ka marrë më shumë vota deri tani se Aleanca për të Ardhmen.
Votat për partitë
Megjithatë, Partia Socialiste konfirmohet si forca politike me më shumë vota në Tiranë. Deri tani kjo parti ka marrë 87 509 vota, kundrejt 66 077 votave që ka marrë Partia Demokratike. Gjatë numërimit të kutive ditën e djeshme ka pasur një rritje të ndjeshme edhe Lëvizja Socialiste për Integrim, e cila ka marrë deri tani 18 124 vota. Në të njëjtën kohë është konfirmuar në vendin e katërt Partia për Drejtësi, Integrim dhe Unitet, me 6100 vota, ndërsa në vendin e pestë është Lëvizja për Zhvillim Kombëtar, me 3281 vota. Përsa u përket koalicioneve, ai i kryesuar nga Partia Demokratike ka siguruar deri tani 101 396 vota, ndërsa koalicioni i drejtuar nga Partia Socialiste ka marrë 97 920 vota. Përsa i përket ndarjes së mandateve në Këshillin Bashkiak, rezulton se koalicioni i PD-së merr deri tani 28 këshilltarë, ndaj 27 që merr koalicioni i majtë. Përsa i përket përballjes mes Partisë Demokratike dhe Partisë Socialiste, edhe pas numërimit të votave ditën e djeshme, PD-ja është forcë e parë politike vetëm në Njësinë Bashkiake Nr. 8, ku deri tani ka siguruar 5007 vota, ndaj 4595 votave që ka marrë Partia Socialiste. Kjo e fundit kryeson në të gjitha njësitë e tjera, teksa në Njësinë Bashkiake Nr. 5, diferenca është 5200 vota në favor të PS-së. Ndërsa Lëvizja Socialiste për Integrim ka rritur rezultatet në Këshillin Bashkiak, duke siguruar një numër të madh votash në çdo njësi bashkiake. Rezultatin më të mirë LSI-ja e ka në Njësinë Nr. 2, ku në garën për minibashkinë kandidon një përfaqësues i saj. Përsa u përket partive të koalicionit të majtë, forcë e dytë në Tiranë rezulton të jetë Partia Demokracia Sociale e Paskal Milos, e cila ka marrë deri tani 2574 vota, ndërsa Partia Socialiste e Vërtetë 91 ka fituar 2245 vota.
Rezultati në 2007-n
Në zgjedhjet e vitit 2007, Partia Socialiste doli sërish forcë e parë në Këshillin Bashkiak të Tiranës dhe së bashku me Lëvizjen Socialiste për Integrim kishin një maxhorancë absolute me të cilën mund të merrnin çdo vendim. PS-ja arriti të marrë 65 mijë vota në kryeqytet dhe 54 mijë mori Partia Demokratike, ndërsa LSI mori mbi 18 mijë vota. Në zgjedhjet e katër viteve më parë, shtatë aleatë të Partisë Demokratike arritën të merrnin votat e nevojshme për t’u përfaqësuar në Këshillin Bashkiak. Partia Socialiste, si parti e parë, në Tiranë mori 21 mandate në Këshill, ndërsa PD-ja mori 17 mandate. Në vendin e tretë, për nga numri i votave dhe këshilltarëve, LSI-ja arriti të nxjerrë gjashtë këshilltarë dhe pas saj ishte Partia Republikane, me 2 këshilltarë. Më pas, me nga një këshilltar ishin nëntë parti të tjera.
Ndryshimi i maxhorancës në Tiranë
Në katër vite të mandatit të kaluar, kryetari i Bashkisë së Tiranës i pati dy vitet e para të lehta në Këshillin Bashkiak, por jo pjesën e dytë të mandatit. Pas zgjedhjeve të përgjithshme në vitin 2009, ku LSI-ja iu bashkua koalicionit të djathtë, këshilltarët e kësaj partie iu bashkuan PD-së, duke arritur kështu një maxhorancë absolute, e cila për dy vjet nuk miratoi buxhetin për Tiranën, kur i vuri një kusht Ramës për ta detajuar atë.
3476 vota
Kur janë numëruar 397 kuti, nga 485 që janë gjithsej, koalicioni i kryesuar nga Partia Demokratike, Aleanca për Qytetarin ka marrë 3476 vota më shumë se koalicioni i drejtuar nga Partia Socialiste, Aleanca për të Ardhmen. Ndërsa LZHK-ja ka marrë 3281 vota
21 mijë
Partia Socialiste ka fituar deri tani 21 mijë vota më shumë se Partia Demokratike në garën për Këshillin Bashkiak të Tiranës. Nga 11 njësi vendore në kryeqytet, vetëm në Njësinë Nr. 8 udhëheq PD-ja, ndërsa në 10 njësitë e tjera kryeson Partia Socialiste.
Votat e partive per keshillin bashkiak
Partia/ Njësia Bashkiake 1 2 3 4 5 6 7 8 9 10 11 Total
Aleanca Demokratike 17 213 123 205 161 130 248 91 87 51 136 1462
Bashkimi Liberal 4 134 55 51 85 39 112 50 48 76 106 760
LZHK 28 807 282 151 387 160 340 468 248 320 90 3281
LSI 69 2763 1550 1787 1519 2104 2412 1400 1041 898 2581 18124
Lidhja Demokristiane 3 93 32 85 34 42 61 18 23 10 186 587
Partia Agrare 6 65 53 42 58 38 125 31 67 47 78 610
Balli Kombetar 2 137 58 201 69 163 121 43 69 19 72 954
PBKD 2 59 27 134 45 30 97 37 30 18 85 564
PBDNJ 3 14 13 30
Partia Demokratike 249 10572 4715 6321 5679 6632 10319 5007 3983 4228 8372 66077
Partia Demokristiane 73 217 85 143 105 164 200 82 174 51 238 1532
PDIU 23 946 825 540 641 274 1069 684 243 315 540 6100
G99 1 276 98 164 138 122 227 79 133 70 161 1469
Partia Komuniste 2 53 32 48 56 44 41 18 20 18 37 369
Levizja e Legalitetit 34 642 122 177 90 187 454 141 234 152 388 2621
PLiDr 1 201 44 56 105 61 105 48 44 47 39 751
Partia Republikane 17 557 163 305 342 945 572 250 260 147 320 3878
PSD 9 253 118 138 212 236 314 216 81 52 211 1840
Partia Socialiste 393 14169 7361 8303 10865 9858 13614 4595 4719 4852 8780 87509
PSV 91 13 386 179 201 166 300 307 122 113 102 356 2245
Demokracia Sociale 25 684 228 200 213 312 278 147 121 98 268 2574
Rezultati në zgjedhjet e vitit 2007
Partitë Votat Keshilltaret
Aleanca Demokratike 3,760 1
Bashkimi Liberal 1,487 1
LZHK 3,906 1
LSI 18,615 6
Partia Agrare 2,450 1
Balli Kombetar 681 0
PBKD 259 0
PBDNJ 1,990 1
Demokracia Sociale 1,466 0
PDR 3,801 1
Partia Demokratike 54,762 17
Partia Demokristiane 2,363 1
Partia Komuniste 457 0
Levizja e Legalitetit 1,180 0
Partia Republikane 5,123 2
PDI 1,615 1
PSD 2,724 1
Partia Socialiste 65,645 21
ADI SHKEMBI
© Panorama.al
