Kryeministri Edi Rama ka reaguar sërish ndaj pretendimeve të politikanit britanik Nigel Farage, i cili së fundmi deklaroi se “1 në 48 shqiptarë që jetojnë në Britani është në burg”.
Në një postim në rrjetet sociale, Rama e quajti këtë shifër të pavërtetë dhe të nxjerrë jashtë kontekstit, duke e akuzuar Farage për përdorim të të dhënave për qëllime propagandistike post-Brexit.
Duke iu referuar të dhënave të Ambasadës Shqiptare në Londër, Rama thekson se numri i shqiptarëve në Britani është shumë më i lartë se sa raportimet mediatike.
“Në realitet, z.Nigel Farage, e vërteta është kjo: shifra tejkalon 300,000 vetë. Këta janë *arsimtarë, **punëtorë ndërtimi, **mjekë, **infermierë, **kujdestarë për të moshuarit dhe të sëmurët* , njerëz që shërbejnë me dinjitet në vendin tuaj sikur të ishte i tyre. Nuk janë mish për propagandën e një epoke të lodhur politike. Janë pjesë e gjallë e shoqërisë britanike”, shkruan Rama në X shoqëruar me nje foto me Inteligjence Artificiale, ku te dy shfaqen buze detit. Rama mban veshur flamurin brtianik dhe Farage flamurin shqiptar.
Farage pranoi ftesen e kryeministrit Rama për të vizituar Shqipërinë, por theksoi se do te diskutojnë për kthimin e të burgosurve shqiptarë.
Ndërsa kryeministri Rama i përgjigjet duke thene: “Me kënaqësi do të të mirëpres si i ftuar nderi në vendin tonë të bukur. Por përpara se të shijosh diellin e vërtetë dhe mikpritjen shqiptare, a mund të biem dakord që të flasim për fakte, e jo për fantazitë e tua?”
Postimi i kryeministrit Rama ne X
Nigel, Nigel, Nigel…
Nga “një kriminel për çdo pesëdhjetë shqiptarë”, deklarata jote ka degjeneruar në:
“Ndoshta është një në tre apo ndoshta një në katër, nuk e di”
Vërtet? Nuk e di?
Dhe kjo pasi the se i kishe “verifikuar dy herë” shifrat?
Unë tashmë të drejtova te burimi yt — artikulli i The Telegraph, edhe pse i paqëndrueshëm. Por ti duket se këmbëngul në gabim.
Më lejo, pra, të të ndihmoj me pak më shumë qartësi.
Sipas të dhënave të Ambasadës së Shqipërisë në Mbretërinë e Bashkuar, një institucion që merret me njerëz të vërtetë, jo me tinguj propagande të Brexit-it, numri i shqiptarëve në Britani nuk është 53,000 siç thotë fillimisht The Telegraph.
Në fakt, po në atë artikull, thuhet qartë:
“Kjo analizë ka gjasa të nënvlerësojë madhësinë e popullsisë shqiptare.”
Më pas spekulohet se numri mund të jetë rreth 140,000.
Në realitet, z.Nigel Farage, e vërteta është kjo: shifra tejkalon 300,000 vetë.
Këta janë *arsimtarë, **punëtorë ndërtimi, **mjekë, **infermierë, **kujdestarë për të moshuarit dhe të sëmurët* , njerëz që shërbejnë me dinjitet në vendin tuaj sikur të ishte i tyre.
Nuk janë mish për propagandën e një epoke të lodhur politike. Janë pjesë e gjallë e shoqërisë britanike.
Edhe pa kontrolluar për moshë, gjini apo status social, përllogaritjet e tua bien. Nuk është një në pesëdhjetë. Dhe absolutisht jo një në tre apo katër.
Këto nuk janë statistika, janë pjesë e frikës e maskuar si “fakt.”
Dua të të pyes drejtpërdrejt tani;
*Pse është kaq e vështirë të pranosh se ke gabuar*, pa fyer dhe baltosur një komunitet të tërë njerëzish që i shërbejnë vëndit tuaj si të ishte i tyre?
Britania është një vend i madh.
Jo më pak falë *diversitetit të saj, **qëndrueshmërisë* dhe *forcës multikulturore*.
Një shoqëri që vuan nga trauma politike *nuk ka nevojë për armiq imagjinarë, **për viktima të rreme, apo **mitologji në vend të realitetit*.
Shpresoj me gjithë zemër që vizita jote e ardhshme në Shqipëri të të frymëzojë të luftosh *për ide, jo **kundër njerëzve* — në frymën e traditës së madhe liberale britanike.
Me kënaqësi do të të mirëpres si *i ftuar nderi* në vendin tonë të bukur.
Por përpara se të shijosh diellin e vërtetë dhe mikpritjen shqiptare, a mund të biem dakord që të flasim për *fakte, e jo për **fantazitë e tua*?
*Le ta caktojmë datën.*
SI NISI DEBATI NE DISTANCE
Përplasja për emigrantët mes kryeministrit Rama dhe deputetit britanik Nigel Farage nisi tre ditë më parë.
Deputeti britanik Nigel Farage pasi pranoi sfidën e kryeministrit Edi Rama lidhur me emigrantët e dënuar në Mbretërinë e Bashkuar, pretendon se e ka fituar ‘bastin’. Pas akuzave të Farage, sipas të cilit në Angli një shqiptar në çdo 50 ndodhet në burg, Rama ishte përgjigjur me një bast, se nëse kjo shifër është e vërtetë, jam gati t’i marr të gjithë këta të burgosur shqiptarë në atdhe.
Farage e pranoi menjëherë sfidën dhe është rikthyer tek tema duke propozuar një tjetër shifër, sipas tij, shqiptarët në burg në Britaninë e Madhe janë madje një në çdo 48, dhe për këtë arsye Shqipëria duhet t’i marrë ata përsëri në vendlindje.
Në një reagim të dy diteve me pare në rrjetin “X”, Farage shkruan se 1 në 48 shqiptarë që jetojnë në Mbretërinë e Bashkuar, është i burgosur. Madje ligjvënësi britanik, shprehet se do angazhohet për t’i dëbuar ata drejt Shqipërisë.
“I nderuar Edi Rama. Në Mbretërinë e Bashkuar ka 53,000 shqiptarë dhe 1,099 prej tyre janë në burgjet tona. Në fakt, kjo është 1 në 48. Do t’i kërkoj Sekretarit të Brendshëm të organizojë që të gjithë këta të burgosur t’ju kthehen. Faleminderit për bashkëpunimin tuaj”- thuhet në reagimin e tij, në përgjigje të kryeministrit Rama.
Por Kryeministri Edi Rama nuk humbi kohë dhe iu përgjigjur deputetit britanik Nigel Farage, pasi ky i fundit pretendoi më herët se e fitoi bastin për emigrantët. Vetëm pak orë pas reagimit të Farage ku thoshte se 1 në 48 shqiptarë në Britani janë në burg, Rama shprehet se “të gabosh është njerëzore, por të ngulmosh në gabim, është djallëzore. Edi Rama përmendi se nuk janë 53,000 shqiptarë sa pretendon ligjvënësi britanik, por shumëfishi i kësaj shifre. “Disa vlerësime sugjerojnë se popullsia e vërtetë shqiptare mund të jetë deri në 140,000 – që do të thotë se më pak se një në 100 janë në burg”,- thotë Rama në përgjigje të deklaratës së deputetit britanik. Rama ka edhe një përgjigje për deklaratën e Farage, se do t’i kërkonte Sekretarit të Brendshëm t’i përzërë shqiptarët e burgosur. “Në vend që ta shqetësoni Sekretarin e Brendshëm, tashmë të zënë, ndoshta duhet të më njoftoni kur mund t’ju mirëpres në Tiranë, si mysafirin tim të nderit”,-shkruan Rama, ashtu sikurse e kishte premtuar se nëse shifra 1 në 50 shqiptarë janë në burg do ishte e gabuar, atëherë do e ftonte Farage në Tiranë, madje reagimin e shoqëron me një foto nga AI, buzë detit.
© Panorama.al
